സതീഷ് കുമാർ
വിശാഖപട്ടണം
കറുപ്പിന് ഏഴഴകാണെന്നാണ് പണ്ഡിതമതം. എന്നാൽ ചിലപ്പോഴെങ്കിലും കറുപ്പ് പ്രതിഷേധത്തിന്റെ , ദുഃഖത്തിന്റെ , അവഗണനയുടെ, വിവേചനത്തിൻ്റെ , ഭയത്തിൻ്റെ, പരിഹാസത്തിൻ്റെയൊക്കെ കൊടിയടയാളമായി മാറുന്ന കാഴ്ചകൾ പൊതു സമൂഹത്തെ അലോസരപ്പെടുത്താറുണ്ട്..
കറുപ്പ് വീണ്ടും വാർത്തകളിൽ നിറഞ്ഞുനിൽക്കുമ്പോൾ മലയാള ചലച്ചിത്രഗാനങ്ങളിൽ ഈ നിറം സൃഷ്ട്രിച്ച ഭാവതലങ്ങൾ ഒന്ന് ഓർമ്മപ്പെടുത്തുകയാണ് ഈ ചെറിയ കുറിപ്പിലൂടെ…..
“കറുകറുത്തൊരു
പെണ്ണാണ്
കടഞ്ഞെടുത്തൊരു
മെയ്യാണ് …. “
https://youtu.be/nz__B23qTYc?t=20
“ഞാവൽ പഴങ്ങൾ “എന്ന ചിത്രത്തിനു വേണ്ടി മുല്ലനേഴി എഴുതി ശ്യാം സംഗീതം നൽകി യേശുദാസ് പാടിയ ഈ ഗാനത്തിൽ കറുപ്പിന്റെ സൗന്ദര്യം മാത്രമല്ല കാടിന്റെ സൗന്ദര്യവും നിഷ്ക്കളങ്കതയും തുടിച്ചു നിൽക്കുന്നതായി കാണാം .
കറുപ്പിന് ഏഴല്ല പതിനേഴഴകാണെന്ന് കൈതപ്രം ദാമോദരൻ നമ്പൂതിരി പറയുന്നത്.
“കറുപ്പിനഴക് വെളുപ്പിനഴക്…”
(ചിത്രം സ്വപ്നക്കൂട് – രചന കൈതപ്രം – സംഗീതം മോഹൻ സിത്താര – ആലാപനം ജോത്സന, രാജേഷ് , വിജയ് പ്രദീപ്)
” കറുത്ത ചക്രവാളമതിലുകൾ ചൂഴും കാരാഗൃഹമാണ് ഭൂമി ….. “
ജീവിതത്തിന്റെ കറുത്ത ചിത്രങ്ങളുടെ നൊമ്പര കാഴ്ച്ചകളാണ് ഈ ഗാനത്തിലൂടെ അനാവൃതമാകുന്നത് .
(ചിത്രം അശ്വമേധം -രചന വയലാർ -സംഗീതം ദേവരാജൻ – ആലാപനം പി സുശീല)
“കറുത്ത പെണ്ണേ
നിന്റെ കണ്ണാടി ചില്ലിനുള്ളിൽ വരച്ചതാരാണെൻ വർണ്ണചിത്രം …. “
പ്രണയ വർണ്ണങ്ങളിൽ ഇവിടെ കറുപ്പ് മാഞ്ഞു പോകുന്നു . മാത്രമല്ല കറുപ്പ് ഈ ഗാനത്തിന് മാറ്റുകൂട്ടുന്നുമുണ്ട് .
( ചിത്രം കലക്ടർമാലതി – രചന വയലാർ -സംഗീതം ബാബുരാജ് – ആലാപനം യേശുദാസ് ,സുശീല )
“കറുത്ത തോണിക്കാരാ
കടത്തു തോണിക്കാരാ … “
https://youtu.be/9TWW_4hmNqw?t=34
ഈ വരികളിൽ പ്രത്യാശയുടെ മറുകര തേടുകയാണ് കവി.
( ചിത്രം അക്ഷരങ്ങൾ –രചന ഓ എൻ വി –സംഗീതം ശ്യാം –ആലാപനം ജയചന്ദ്രൻ , ജാനകി)
” കാക്ക കറുമ്പൻ
കണ്ടാൽ കുറുമ്പൻ …”
കാർവർണ്ണന്റെ ആരാധികയുടെ മനസ്സാണ് ഈ ഗാനത്തിലുള്ളത്
. (ചിത്രം ഈ പുഴയും കടന്ന്-
രചന ഗിരീഷ് പുത്തഞ്ചേരി – സംഗീതം ജോൺസൺ – ആലാപനം സുജാത )
“കറുത്ത സൂര്യനുദിച്ചു
കടലിൽ വീഞ്ഞ് തിളച്ചു …”
വയലാറിന്റെ തത്ത്വചിന്താപരമായ ഗാനത്തിൽ ഒരു ദുരന്തത്തിൻ്റെ സൂചനയാണുള്ളത്.
(ചിത്രം ദേവി – സംഗീതം ദേവരാജൻ – ആലാപനം യേശുദാസ്)
“കറുത്ത പെണ്ണേ
കരിങ്കുഴലീ
നിനക്കൊരുത്തൻ കിഴക്കുദിച്ചു …”
പരിഹാസമായി തോന്നാമെങ്കിലും നല്ല പ്രകൃതി സൗന്ദര്യമാണ് ഈ പാട്ടിൻ്റെ ഭംഗി
( ചിത്രം അന്ന – രചന വയലാർ – സംഗീതം ദേവരാജൻ – ആലാപനം യേശുദാസ്)
“കറുത്തപെണ്ണേ നിന്നെ കാണാഞ്ഞിട്ടൊരുനാളുണ്ടേ ..
പ്രണയ ഭ്രമരത്തിൽ ചാലിച്ചെടുത്ത വരികൾ.….
( ചിത്രം തേന്മാവിൻ കൊമ്പത്ത് – രചന ഗിരീഷ് പുത്തഞ്ചേരി – സംഗീതം ബേണി ഇഗ്നേഷ്യസ് – ആലാപനം എം.ജി.ശ്രീകുമാർ, ചിത്ര )
https://youtu.be/GpZjMAzp0j4?t=12
“എന്തേ കണ്ണനു കറുപ്പുനിറം …”
പ്രണയ പരിഭവമാണ് ഈ ഗാനത്തിൻ്റെ അന്ത:സത്ത. .
(ചിത്രം ഫോട്ടോഗ്രാഫർ – രചന കൈതപ്രം – സംഗീതം ജോൺസൺ – ആലാപനം മഞ്ജരി )
” കാട് കറുത്ത കാട്…..”
കാടിൻ്റെ ഭീകരത മുറ്റിനിൽക്കുന്ന വയലാറിൻ്റെ തത്വചിന്താപരമായ ഒരു ഗാനം.
(രചന വയലാർ – സംഗീതം സലീൽ ചൗധരി – ആലാപനം യേശു ദാസ് – ചിത്രം നീല പൊന്മാൻ )
ഇവയെല്ലാം കറുപ്പിന്റെ ഏഴഴകുള്ള ചില ഗാനങ്ങളാണ്….
തലമുറകൾ നെഞ്ചിലേറ്റി ലാളിച്ച ഈ പ്രിയഗാനങ്ങളെ ഓർമ്മപ്പെടുത്തുന്നത് ആരേയും വേദനിപ്പിക്കില്ലെന്ന് കരുതട്ടെ…..
———————————————————————————–
(സതീഷ് കുമാർ : 9030758774)
——————————
കൂടുതല്‍ വാര്‍ത്തകള്‍ക്കായി
http://www.newsboardindia.com
സന്ദര്‍ശിക്കുക
