തൃശ്ശൂര്: പ്രസിദ്ധമായ തൃശ്ശൂർ പൂരത്തിലെ തിരുവമ്പാടി വിഭാഗത്തിൻ്റെ മുണ്ടത്തിക്കോടുള്ള വെടിക്കെട്ട് പുരയിൽ ഉണ്ടായ സ്ഫോടനത്തില് മരണസംഖ്യ 14 ആയി. നാല്പതോളം തൊഴിലാളികള്ക്ക് പൊള്ളലേററു.
23 പേരെ മെഡിക്കല് കോളജ് ആശുപത്രിയില് പ്രവേശിപ്പിച്ചു.അപകടം നടന്ന സമയത്ത് ഏകദേശം 30-നും 40-നും ഇടയില് ആളുകള് സംഭവസ്ഥലത്തുണ്ടായിരുന്നുവെന്നാണ് ജില്ലാ കലക്ടര് ശിഖ സുരേന്ദ്രന് പറഞ്ഞു.
ഇവരില് ചിലര് വെള്ളം കുടിക്കാനും മറ്റുമായി ഈ പ്രദേശത്ത് നിന്നും മാറിയിരുന്നു. സ്ഫോടനത്തിന്റെ യഥാര്ത്ഥ കാരണം ഇതുവരെ വ്യക്തമായിട്ടില്ലെന്നും കലക്ടര് വ്യക്തമാക്കി.
അപകടം സംബന്ധിച്ച് വിശദമായ മജിസ്റ്റീരിയല് അന്വേഷണത്തിന് ഉത്തരവിട്ട് ജില്ലാ കലക്ടര് ഉത്തരവിട്ടു. സബ് ഡിവിഷണല് മജിസ്ട്രേറ്റായ തൃശൂര് ആര്ഡിഒയ്ക്കാണ് അന്വേഷണ ചുമതല. അപകടത്തിന്റെ കാരണവും അതിന്റെ അനന്തരഫലങ്ങളും വിശദമായി അന്വേഷിക്കാന് നിര്ദ്ദേശിച്ചിട്ടുണ്ട്.
അപകടത്തില് പരിക്കേറ്റവര്ക്ക് എല്ലാവിധ ചികിത്സാ സഹായങ്ങളും ലഭ്യമാക്കാന് സര്ക്കാര് സംവിധാനങ്ങളെ സജ്ജമാക്കാന് മുഖ്യമന്ത്രി പിണറായി വിജയന് ചീഫ് സെക്രട്ടറിക്ക് നിര്ദ്ദേശം നല്കി. പൊള്ളലേറ്റവര്ക്ക് വിദഗ്ധ ചികിത്സ ഉറപ്പാക്കുന്നതിനായി ആവശ്യമെങ്കില് സംസ്ഥാനത്തിന് പുറത്തുള്ള വിദഗ്ധ ഡോക്ടര്മാരുടെ സേവനം തേടുമെന്നും മുഖ്യമന്ത്രി വ്യക്തമാക്കി.
One Response
ഈ തീക്കളി അവസാനിപ്പിക്കേണ്ട കാലം കഴിഞ്ഞു.