അതായിരുന്നു സുചിത്ര മഞ്ജരിയുടെ ” വിലയ്ക്കു വാങ്ങിയ വീണ ” എന്ന സംഗീതമധുരമായ ചലച്ചിത്രം. കവിയും ഗാനരചയിതാവുമായ ശ്രീകുമാരൻതമ്പിയാണ് ഈ ഗായകന്റെ കഥയെഴുതിയത് .
മറ്റൊരു കവിയും ഗാനരചയിതാവുമായ പി ഭാസ്കരൻ ചിത്രം സംവിധാനം ചെയ്തു . പ്രേംനസീർ , മധു , ,ശാരദ , ജയഭാരതി , ടി.ആർ. ഓമന , അടൂർ ഭാസി , ജോസ് പ്രകാശ് തുടങ്ങിയവരായിരുന്നു ചിത്രത്തിലെ മുഖ്യ കഥാപാത്രങ്ങളെ അവതരിപ്പിച്ചത് .
എടുത്തുപറയേണ്ട ഒരു പ്രത്യേകത ഒൻപത് സൂപ്പർ ഹിറ്റ് ഗാനങ്ങൾ കൊണ്ട് അനുഗൃഹീതമായിരുന്നു ഈ ചിത്രം എന്നതാണ്. അഞ്ച് ഗാനങ്ങൾ പി ഭാസ്കരനും നാല് ഗാനങ്ങൾ ശ്രീകുമാരൻ തമ്പിയും രചിച്ചു. സംഗീതസംവിധാനത്തിന്റെ ചുമതല ദക്ഷിണാമൂർത്തിസ്വാമിക്കായിരുന്നു.
1971 – ലെ മികച്ച ഗാനരചയിതാവിനും മികച്ച സംഗീത സംവിധായകനുമുള്ള സംസ്ഥാന പുരസ്ക്കാരങ്ങൾ ഈ ചിത്രത്തിലൂടെ യഥാക്രമം പി ഭാസ്കരനും ദക്ഷിണാമൂർത്തിക്കും ലഭിക്കുകയുണ്ടായി. .
ആസ്വാദകരെ കോരിത്തരിപ്പിച്ച വിലയ്ക്കു വാങ്ങിയ വീണയിലെ ഗാനങ്ങളിലൂടെ ഒന്ന് കണ്ണോടിക്കാം…..
എക്കാലത്തേയും സൂപ്പർഹിറ്റായ “കാട്ടിലെ പാഴ്മുളം തണ്ടിൽ നിന്നും പാട്ടിന്റെ പാലാഴി തീർത്തവളെ ….” എന്ന യേശുദാസിന്റെ അനശ്വരഗാനം ഈ ചിത്രത്തിലേതാണ്. (രചന പി.ഭാസ്കരൻ ) ….
കൂടാതെ
“അവൾ ചിരിച്ചാൽ മുത്തു ചിതറും …. (തമ്പി ,യേശുദാസ്)
ദേവഗായകനെ ദൈവം ശപിച്ചു … (തമ്പി , ബ്രഹ്മാനന്ദൻ)
“ഇനിയുറങ്ങൂ…. ഇനിയുറങ്ങൂ… (പി.ഭാസ്കരൻ , ജാനകി )
“ഇന്നത്തെ രാത്രി ശിവരാത്രി …. (ഭാസ്കരൻ , ബി വസന്ത )
