ന്യൂഡല്ഹി: എം പി മാരായ കെ സുധാകരനും അടൂർ പ്രകാശിനും നിയമസഭ തിരഞ്ഞെടുപ്പിൽ മൽസരിക്കാൻ കോൺഗ്രസ് ദേശീയ നേതൃത്വം അനുമതി നൽകിയേക്കും. സുധാകരൻ കണ്ണൂരും പ്രകാശ് കോന്നിയിലുമായിരിക്കും സ്ഥാനാർഥികളാവുക.
യുഡിഎഫിന്റെ സീറ്റ് വിഭജനം പൂര്ത്തിയായെന്ന് പ്രതിപക്ഷ നേതാവ് വി ഡി സതീശന് അറിയിച്ചു. 95 സീറ്റുകളിലാണ് കോണ്ഗ്രസ് മത്സരിക്കുക. മുസ്ലിം ലീഗ് 27 സീറ്റുകളിലും കേരളാ കോണ്ഗ്രസ് ജോസഫ് വിഭാഗം 8 സീറ്റുകളിലും മത്സരിക്കും.
ഇടുക്കി, ഏറ്റുമാനൂര് സീറ്റുകള് ഒരു പ്രാവശ്യത്തേക്ക് കോണ്ഗ്രസിന് വിട്ടുനല്കിയിട്ടുണ്ടെന്നും തൃക്കരിപ്പൂര് സീറ്റ് കാസര്കോട് ജില്ലയിലെ കാഞ്ഞങ്ങാടുമായി വെച്ചുമാറി. പയ്യന്നൂരില് ആര്എസ്പി സ്ഥാനാര്ത്ഥിയെ നിര്ത്തുന്നില്ലെന്നും സി പി എം വിമതനായ വി കുഞ്ഞികൃഷ്ണനെ പിന്തുണയ്ക്കാനാണ് യുഡിഎഫ് തീരുമാനമെന്നും അദ്ദേഹം വ്യക്തമാക്കി.
കേരളാ കോണ്ഗ്രസ് ജേക്കബ് വിഭാഗത്തിലെ അനൂപ് ജേക്കബിന് പിറവവും സിഎംപിയ്ക്ക് തിരുവനന്തപുരവും കെഡിപിയ്ക്ക് പാലയും വിട്ടുകൊടുക്കാന് തീരുമാനമായി. ആര്എംപിയ്ക്ക് വടകരയും തൃണമൂല് കോണ്ഗ്രസിൻ്റെ പി വി അന്വറിന് ബേപ്പൂരും നൽകും. അന്വര് യുഡിഎഫ് സ്ഥാനാര്ത്ഥിയായി മത്സരിക്കും.
