സതീഷ് കുമാർ വിശാഖപട്ടണം
ഒരുകാലത്ത് മലയാളനാടക വേദിയെ സാങ്കേതികമികവ് കൊണ്ട് അത്ഭുതപ്പെടുത്തിയ കലാനിലയത്തിന്റെ ബ്രഹ്മാണ്ഡനാടകങ്ങൾ പ്രിയവായനക്കാർ ഓർക്കുന്നുണ്ടായിരിക്കും… കടമറ്റത്ത് കത്തനാർ, രക്തരക്ഷസ്സ് , നാരദൻ കേരളത്തിൽ തുടങ്ങിയ നാടകങ്ങളിലൂടെ കലാനിലയം വൻചലനങ്ങളാണ് നാടക രംഗത്ത് സൃഷ്ടിച്ചെടുത്തത്.
ഈ നാടകങ്ങൾ കണ്ടിട്ടുള്ളവർ കലാനിലയത്തിന്റെ പ്രസിദ്ധമായ ഒരു നാടക അവതരണഗാനവും ശ്രദ്ധിച്ചിട്ടുണ്ടായിരിക്കുമെ
“സത്ക്കലാദേവി തൻ
ചിത്രഗോപുരങ്ങളേ
സർഗ്ഗസംഗീതമുയർത്തൂ
സർഗ്ഗസംഗീതമുയർത്തൂ …..”
എന്നു തുടങ്ങുന്ന ആ പ്രശസ്ത ഗാനം വയലാറോ ,ഓ എൻ വിയോ എഴുതിയതാണെന്നാണ് പലരുടേയും ധാരണ.
https://youtu.be/ZLDE_kmuhJw?t=11
എന്നാൽ മനോഹരമായ ഈ ഗാനം എഴുതിയത് പാപ്പനംകോട് ലക്ഷ്മണൻ എന്ന സകലകലാ വല്ലഭനായിരുന്നു…
കലാനിലയത്തിന്റെ നാടകങ്ങളിലൂടെ ചലച്ചിത്രരംഗത്തെത്തിയ പാപ്പനംകോട് ലക്ഷ്മണൻ ഏകദേശം നൂറോളം ചിത്രങ്ങൾക്ക് കഥയും തിരക്കഥയും അത്ര തന്നെ ഗാനങ്ങളും എഴുതിയിട്ടുണ്ട്.
ഇതിൽ ഏറ്റവും ജനപ്രീതിയാർജ്ജിച്ചത് ജയന്റെ “മനുഷ്യമൃഗം ” എന്ന ചിത്രത്തിലെ
“കസ്തൂരിമാൻമിഴി
മലർശരമെയ്തു
കൽഹാരപുഷ്പങ്ങൾ
പൂമഴ പെയ്തു ….. ”
(സംഗീതം കെ.ജെ.ജോയ് – ആലാപനം യേശുദാസ് ) എന്ന ഗാനമായിരുന്നു……
ഇന്നും മിമിക്രി കലാകാരന്മാർ ജയനെ വേദിയിലവതരിപ്പിക്കുമ്പോൾ ഈ ഗാനമാണ് കൂടുതൽ തിരഞ്ഞെടുക്കുന്നത്.
“പാർവ്വണശശികല ഉദിച്ചതോ പ്രാണേശ്വരി നീ ചിരിച്ചതോ ….”
(ശ്രീകാന്ത് , അമ്പിളി ചിത്രം നീലസാരി )
“കാശ്മിരസന്ധ്യകളേ
കൊണ്ടു പോരൂ
എന്റെ ഗ്രാമ സുന്ദരിക്കൊരു നീലസാരി … (യേശുദാസ് ചിത്രം – നീലസാരി – സംഗീതം ദക്ഷിണാമൂർത്തി)
“പഴനിമലക്കോവിലിലെ
പാൽക്കാവടി … (ജയചന്ദ്രൻ- പിക് പോക്കറ്റ്)
“മനുഷ്യപുത്രന്മാരേ നിങ്ങൾ ജനിച്ചതടിമകളാകാനോ ….. (യേശുദാസ് – പിക് പോക്കറ്റ് – സംഗീതം അർജ്ജുനൻ)
” വസന്തം നിൻമിഴിത്തുമ്പിൽ …..”
(ഇതിഹാസം- സംഗീതം കെ.ജെ.ജോയ് – യേശുദാസ് , സുശീല)
“സൗഗന്ധികങ്ങൾ വിടർന്നു … (മഹാബലി – സംഗീതം അർജ്ജുനൻ – ആലാപനം കൃഷ്ണചന്ദ്രൻ , വാണിജയറാം)
എന്നിവയൊക്കെയാണ് പാപ്പനംകോട് ലക്ഷ്മണന്റെ മറ്റു ചില ഹിറ്റുഗാനങ്ങൾ …
https://youtu.be/dGIIC6wRrxI?t=32
