ന്യൂഡൽഹി : അടൂര് ഗോപാലകൃഷ്ണന് ശേഷം ചലച്ചിത്ര മേഖലയിലെ സമഗ്ര സംഭാവനയ്ക്കുള്ള ദാദാ സാഹേബ് ദാദാ സാഹേബ് ഫാൽക്കെ പുരസ്കാരം വീണ്ടും മലയാളത്തിലേക്ക്. 2023ലെ പരമോന്നത പുരസ്ക്കാരത്തിന് നടൻ മോഹൻലാൽ അർഹനായി.
സെപ്തംബർ 23ന് നടക്കുന്ന 71-ാമത് ദേശീയ ചലച്ചിത്ര അവാർഡ് ദാന ചടങ്ങിൽ അവാർഡ് സമർപ്പിക്കും.75-ാമത് ദാദാ സാഹേബ് ഫാൽക്കെ പുരസ്കാരമാണ് ഇപ്പോള് പ്രഖ്യാപിച്ചിരിക്കുന്നത്.
മലയാള സിനിമാ മേഖലയില് കഴിഞ്ഞ നാല് പതിറ്റാണ്ടായി നിറഞ്ഞു നില്ക്കുന്ന സാന്നിധ്യമാണ് മോഹന്ലാല്. മഞ്ഞില് വിരിഞ്ഞ പൂക്കള് എന്ന ചിത്രത്തില് വില്ലനായി എത്തി പിന്നീട് മലയാള സിനിമയുടെ നെടുംതൂണായി മാറിയ അദ്ദേഹം ഇതിനകം സമ്മാനിച്ചത് മറ്റാരാലും പകര്ന്നാടാനാകാത്ത ഒട്ടനവധി സിനിമകളും കഥാപാത്രങ്ങളുമാണ്.
പിന്നണി ഗായകനായും നിര്മാതാവായും മോഹന്ലാല് തിളങ്ങി. രണ്ട് മികച്ച നടന് അടക്കം അഞ്ച് ദേശീയ പുരസ്കാരങ്ങള് നേരത്തെ മോഹന്ലാലിനെ തേടി എത്തിയിട്ടുണ്ട്. 2001ല് അദ്ദേഹത്തിന് പത്മശ്രീ പുരസ്കാരം നല്കി രാജ്യം ആദരിച്ചിരുന്നു. 2019ല് പത്മഭൂഷണും നല്കി.
