തിരുവനന്തപുരം : നിലമ്പൂർ നിയമസഭാ മണ്ഡലത്തിൽ നടക്കുന്ന ഉപതിരഞ്ഞെടുപ്പിൽ ആര്യാടൻ ഷൗക്കത്ത് യു ഡി എഫ് സ്ഥാനാർഥിയായി മൽസരിക്കുമെന്ന് ഐ ഐ സി സി അറിയിച്ചു.
മലപ്പുറം ഡിസിസി അധ്യക്ഷൻ വി എസ് ജോയിയെ സ്ഥാനാർത്ഥിയാകണമെന്ന തൃണമൂൽ കോൺഗ്രസ് നേതാവ് പി>വി അൻവറിൻ്റെ ആവശ്യം കോൺഗ്രസ് തള്ളി. ജോയിയെ അനുനയിപ്പിച്ചാണ് കെ പി സി സി ഷൗക്കത്തിന്റെ പേര് കോൺഗ്രസ് ദേശീയ നേതൃത്വത്തിന് കൈമാറിയത്.
അതേസമയം, എല്ഡിഎഫ് സ്ഥാനാര്ഥിയായി മുന് ഇന്ത്യന് ഫുട്ബോള് താരവും സ്പോര്ട്സ് കൗണ്സില് പ്രസിഡന്റുമായ യു ഷറഫലിയുടെ പേരിനാണ് മുന്ഗണന. ഡിവൈഎഫ്ഐ ജില്ലാ പ്രസിഡന്റ് പി ഷബീര്, ജില്ലാ പഞ്ചായത്ത് അംഗം ഷെറോണ റോയ് തുടങ്ങിയവരുടെ പേരുകളും ഉയര്ന്നു കേള്ക്കുന്നുണ്ട്.
ഇടതുമുന്നണി അംഗമായിരുന്ന അന്വര് രാജിവച്ചതിനെ തുടര്ന്നാണ് മണ്ഡലത്തില് ഉപതെരഞ്ഞെടുപ്പ് വേണ്ടിവന്നത്. ജൂണ് 19-നാണ് ഉപതെരഞ്ഞെടുപ്പ്. വോട്ടെണ്ണല് ജൂണ് 23-ന് നടക്കും. നാല് സംസ്ഥാനങ്ങളിലെ അഞ്ച് മണ്ഡലങ്ങളിലേക്കുള്ള ഉപതെരഞ്ഞെടുപ്പാണ് പ്രഖ്യാപിച്ചിരിക്കുന്നത്. രണ്ടാം പിണറായി സര്ക്കാര് വന്ന ശേഷമുള്ള അഞ്ചാമത്തെ ഉപതെരഞ്ഞെടുപ്പാണിത്.
