കല്പററ: വയനാട് ഉരുൾപൊട്ടലിൽ കാണാതായവരുടെ കരട് പട്ടികയിൽ 119 പേർ.
ആദ്യം തയ്യാറാക്കിയ പട്ടികയിൽ 128 പേരാണ് ഉണ്ടായിരുന്നത്. ഡിഎൻഎ ഫലം കിട്ടി തുടങ്ങിയതോടെ എണ്ണത്തിൽ കുറവ് വന്നു.
ഓഗസ്റ്റ് 14 വരെ 401 ഡിഎൻഎ പരിശോധനകളാണ് നടന്നത്. കൂടുതൽ അഴുകിയ ശരീരഭാഗങ്ങളുടെ ഡിഎൻഎ പരിശോധനാഫലങ്ങള് ലഭിക്കാൻ വൈകിയിരുന്നു. ബന്ധുക്കളുടെ ഡിഎൻഎ സാംപിളുമായി ഒത്തുനോക്കിയാണ് നിലവിൽ കാണാതായവരെ തിരിച്ചറിയുന്നത്.
കാണാതായവരുടെ അടുത്ത ബന്ധുക്കളുടെ രക്തസാമ്പിളുകളുടെ വിവരങ്ങൾ തമ്മിൽ താരതമ്യം ചെയ്യുന്ന നടപടി ആണ് ഇനി പൂർത്തീകരിക്കാൻ ബാക്കി ഉള്ളത്.
നഷ്ടപ്പെട്ട വാഹനങ്ങളുടെ വിവരം മോട്ടോര് വാഹന വകുപ്പ് ശേഖരിക്കുന്നുണ്ട്. പൂര്ണ്ണമായി നഷ്ടപ്പെട്ട വാഹനങ്ങള്, ഉപയോഗ യോഗ്യമല്ലാത്ത വാഹനങ്ങള് എന്നീ വിവരങ്ങളാണ് ശേഖരിക്കുന്നത്
