November 16, 2026 2:40 pm

ജീവിതനിലവാരം: തിരുവനന്തപുരം ഏറെ മുന്നിൽ

കൊച്ചി : കേരളത്തിന്‍റെ തലസ്ഥാന നഗരമായ തിരുവനന്തപുരം, രാജ്യത്തെ പ്രമുഖ മെട്രോ നഗരങ്ങളെപ്പോലും പിന്നിലാക്കുന്നു.

രാജ്യത്തെ നഗരങ്ങളിലെ ജീവിതനിലവാരം വിലയിരുത്തുന്ന, നംബിയോ കെയർ സൂചികയിലെ 2026-ലെ മിഡ്-ഇയർ പട്ടികയിൽ തിരുവനന്തപുരത്തിന് മികച്ച നേട്ടം. 121.5 പോയിൻ്റുകൾ നേടിയാണ് ഈ ബഹുമതി കൈക്കലാക്കിയത്.

ലോകത്തിലെ വിവിധ നഗരങ്ങളിലെയും രാജ്യങ്ങളിലെയും ജീവിതനിലവാരം അളക്കുന്ന ഏറ്റവും വലിയ ക്രൗഡ് സോഴ്‌സ്ഡ് ഓൺലൈൻ ഡാറ്റാബേസാണ് നംബിയോ .

2009-ൽ മുൻ ഗൂഗിൾ എൻജിനീയറായ മ്ലാഡൻ അഡമോവിക് ആണ് സെർബിയ ആസ്ഥാനമായി ഈ പ്ലാറ്റ്‌ഫോം സ്ഥാപിച്ചത്. ലോകമെമ്പാടുമുള്ള ലക്ഷക്കണക്കിന് ആളുകൾ നേരിട്ട് നൽകുന്ന വിവരങ്ങളും ഔദ്യോഗിക കണക്കുകളും വിശകലനം ചെയ്താണ് നംബിയോ ഓരോ നഗരത്തിന്‍റെയും ജീവിതനിലവാര സൂചിക തയ്യാറാക്കുന്നത്.

Best Time to Visit Trivandrum | Best Season to Visit Trivandrum - eKerala  Tourism

സാധാരണയായി സർക്കാർ ഏജൻസികളോ അന്താരാഷ്ട്ര സംഘടനകളോ പുറത്തുവിടുന്ന കണക്കുകളിൽ നിന്ന് വ്യത്യസ്തമായി, ഒരു നഗരത്തിൽ നേരിട്ട് താമസിക്കുന്ന സാധാരണക്കാരുടെ അനുഭവങ്ങൾക്കാണ് നംബിയോ മുൻഗണന നൽകുന്നത്. ഭക്ഷണസാധനങ്ങളുടെ വില, വീട്ടുവാടക, റസ്റ്റോറൻ്റുകളിലെ നിരക്കുകൾ, ഗതാഗതച്ചെലവ്, ശരാശരി ശമ്പളം, ക്രമസമാധാന നില, ആരോഗ്യപരിപാലന സൗകര്യങ്ങൾ, വായു-ജല മലിനീകരണത്തിന്‍റെ തോത്, ഗതാഗതക്കുരുക്ക് എന്നിവയെക്കുറിച്ചുള്ള വിവരങ്ങൾ ഉപയോക്താക്കൾ വെബ്‌സൈറ്റിൽ രേഖപ്പെടുത്തുന്നു.

ഉപയോക്താക്കൾ നൽകുന്ന വിവരങ്ങളുടെ കൃത്യത ഉറപ്പുവരുത്താൻ നംബിയോ പ്രത്യേക അൽഗോരിതങ്ങളും മാനുവൽ പരിശോധനകളും ഉപയോഗിക്കുന്നുണ്ട്. തെറ്റായതോ അതിശയോക്തി കലർന്നതോ ആയ വിവരങ്ങൾ ഈ സംവിധാനം സ്വയം ഒഴിവാക്കും. ഇങ്ങനെ ശേഖരിക്കുന്ന വിവരങ്ങൾ ക്രോഡീകരിച്ച് എട്ട് പ്രധാന ഘടകങ്ങളെ അടിസ്ഥാനമാക്കിയാണ് ‘ക്വാളിറ്റി ഓഫ് ലൈഫ് ഇൻഡക്സ്’ കണക്കാക്കുന്നത്. വാങ്ങൽ ശേഷി , സുരക്ഷ, ആരോഗ്യപരിപാലനം, ജീവിതച്ചെലവ്, വീടുവിലയും വരുമാനവും തമ്മിലുള്ള അനുപാതം, യാത്രാസമയം, മലിനീകരണം, കാലാവസ്ഥ എന്നിവയാണ് ഈ എട്ട് ഘടകങ്ങൾ.

വിദേശരാജ്യങ്ങളിലേക്കോ മറ്റ് നഗരങ്ങളിലേക്കോ ജോലിക്കായും പഠനത്തിനായും മാറാൻ ആഗ്രഹിക്കുന്നവർക്ക് അവിടുത്തെ ചെലവുകളും ജീവിതസാഹചര്യങ്ങളും മുൻകൂട്ടി മനസ്സിലാക്കാൻ നംബിയോ വലിയ സഹായമാണ് നൽകുന്നത്.

അന്താരാഷ്ട്ര മാധ്യമങ്ങളും ഗവേഷകരും വിവിധ നഗരങ്ങളിലെ ജീവിതച്ചെലവുകൾ താരതമ്യം ചെയ്യാൻ നംബിയോയുടെ കണക്കുകൾ വ്യാപകമായി ഉപയോഗിക്കാറുണ്ട്. ഉപയോക്താക്കൾ പുതിയ വിവരങ്ങൾ ചേർക്കുന്നതിനനുസരിച്ച് ഇതിലെ കണക്കുകൾ തത്സമയം മാറിക്കൊണ്ടിരിക്കുന്നതിനാൽ ഏറ്റവും പുതിയ വിവരങ്ങൾ ലഭ്യമാകുന്നു എന്നതും ഇതിന്‍റെ പ്രത്യേകതയാണ്.

Thiruvananthapuram Travel Guide: Temples, Museums & City Beaches | Paradise  Holidays

ശുചിത്വം, സുരക്ഷ, ആരോഗ്യപരിപാലനം, അടിസ്ഥാന സൗകര്യങ്ങൾ, താങ്ങാനാവുന്ന ജീവിതച്ചെലവ് എന്നിവയാണ് തിരുവനന്തപുരത്തെ മറ്റ് നഗരങ്ങളിൽ നിന്ന് വ്യത്യസ്തമാക്കുന്നത്

ആരോഗ്യരംഗത്തെ മികവ് അളക്കുന്ന നംബിയോ ഹെൽത്ത് കെയർ സൂചികയിൽ 63.4 പോയിൻ്റുകൾ നേടി ‘ഉയർന്ന’ വിഭാഗത്തിലാണ് തിരുവനന്തപുരം ഇടംപിടിച്ചിരിക്കുന്നത്. മികച്ച ആശുപത്രികളും ചികിത്സാ സൗകര്യങ്ങളും കുറഞ്ഞ ചെലവിൽ ലഭ്യമാകുന്നു എന്നത് നഗരത്തിന്‍റെ വലിയ പ്രത്യേകതയായി മാറിയെന്നാണ് വിലയിരുത്തൽ.

ജീവിതച്ചെലവിൻ്റെ കാര്യത്തിലും തിരുവനന്തപുരം സാധാരണക്കാർക്ക് വലിയ ആശ്വാസമാണ് നൽകുന്നത്. ‘നംബിയോ’ കണക്കുകൾ പ്രകാരം നാല് അംഗങ്ങളുള്ള ഒരു കുടുംബത്തിന് വാടകവീട്ടിൽ താമസിച്ച് ജീവിക്കാൻ പ്രതിമാസം ഏകദേശം 77,539 രൂപ മാത്രമാണ് ചെലവ് വരുന്നത്. രാജ്യത്തെ മറ്റ് വൻകിട നഗരങ്ങളുമായി താരതമ്യം ചെയ്യുമ്പോൾ ഇത് വളരെ കുറവാണ്.

നഗരത്തിന്‍റെ പ്രകൃതിഭംഗിയും സാംസ്കാരിക വൈവിധ്യവും താമസക്കാർക്ക് മികച്ച ജീവിതാനുഭവമാണ് നൽകുന്നതെന്ന് പ്രശസ്ത നർത്തകിയും നൃത്തസംവിധായികയുമായ ദക്ഷാ സേത്ത് അഭിപ്രായപ്പെടുന്നു. നദികളും തടാകങ്ങളും കടലും നിറഞ്ഞ തിരുവനന്തപുരത്തിന്‍റെ പ്രകൃതിയും സാംസ്കാരിക സമ്പന്നതയുമാണ് പതിറ്റാണ്ടുകൾക്ക് മുൻപ് തന്നെ ഈ നഗരത്തിൽ സ്ഥിരതാമസമാക്കാൻ പ്രേരിപ്പിച്ചതെന്ന് അവർ ഓർമ്മിക്കുന്നു.

Veli | Tourist Villages | Tourist Places in Thiruvananthapuram | Kerala  Tourism

അടിസ്ഥാന സൗകര്യങ്ങളുടെ കാര്യത്തിലും തിരുവനന്തപുരം ഏറെ മുന്നിലാണ്. അന്താരാഷ്ട്ര വിമാനത്താവളത്തിൽ നിന്ന് വെറും 30 മിനിറ്റിനുള്ളിൽ വീടുകളിലേക്കും, ടെക്നോപാർക്കിലേക്കും, ഷോപ്പിംഗ് മാളുകളിലേക്കും, ബീച്ചുകളിലേക്കും, മികച്ച ആശുപത്രികളിലേക്കും എത്തിച്ചേരാൻ സാധിക്കുന്ന ഇന്ത്യയിലെ ഏക നഗരമാണിതെന്ന് നെതർലൻഡ്‌സ് സ്വദേശിയും സംരംഭകനുമായ മാർട്ടിൻ വാൻ ഡെർ സ്പെക് ചൂണ്ടിക്കാട്ടുന്നു.

1992-ൽ സന്ദർശകനായി കേരളത്തിലെത്തിയ അദ്ദേഹം പിന്നീട് ടെക്നോപാർക്കിൽ സ്വന്തം ഐടി സംരംഭം തുടങ്ങുകയായിരുന്നു. തിരുവനന്തപുരം സുരക്ഷിതവും വൃത്തിയുള്ളതും എല്ലാ മേഖലകളിലും മികച്ച സന്തുലിതാവസ്ഥ നിലനിർത്തുന്നതുമായ നഗരമാണെന്നും അദ്ദേഹം പറയുന്നു.

അതേസമയം, നഗരത്തിലെ വാങ്ങൽ ശേഷി താരതമ്യേന കുറവാണെന്ന് റിപ്പോർട്ട് ചൂണ്ടിക്കാട്ടുന്നു. നംബിയോയുടെ പർച്ചേസിംഗ് പവർ സൂചികയിൽ 47.5 പോയിൻ്റുകൾ മാത്രമാണ് തിരുവനന്തപുരത്തിനുള്ളത്.. പ്രാദേശിക വേതന നിരക്കുകൾ കുറവായതാണ് ഇതിന് കാരണം. കൂടാതെ, സ്വന്തമായി ഒരു വീട് വാങ്ങുന്നത് സാധാരണക്കാർക്ക് ഇപ്പോഴും വലിയ സാമ്പത്തിക ബാധ്യതയാണെന്നും റിപ്പോർട്ടിൽ വ്യക്തമാക്കുന്നു. എങ്കിലും മറ്റ് വൻകിട മെട്രോ നഗരങ്ങളെ അപേക്ഷിച്ച് തിരുവനന്തപുരത്തെ ജീവിതം ഏറെ സുഖകരവും സമാധാനപരവുമാണെന്ന് ഈ പഠനം അടിവരയിടുന്നു.

Walk the World Series India: Thiruvananthapuram - Sree Padmanabhaswamy  Temple | Trip.com Thiruvananthapuram

ഉയർന്ന ജീവിതച്ചെലവ്, കടുത്ത ഗതാഗതക്കുരുക്ക്, വായു മലിനീകരണം എന്നിവ കാരണം ഡൽഹി, മുംബൈ, കൊൽക്കത്ത തുടങ്ങിയ വൻകിട മെട്രോ നഗരങ്ങൾ പട്ടികയിൽ ഏറ്റവും പിന്നിലാണ്. അതേസമയം, ആദ്യ പത്തിൽ ആറ് നഗരങ്ങളും (ഹൈദരാബാദ്, മംഗളൂരു, ചെന്നൈ, കോയമ്പത്തൂർ, ബെംഗളൂരു, തിരുവനന്തപുരം) ദക്ഷിണേന്ത്യയിൽ നിന്നുള്ളവയാണ് എന്നത് ശ്രദ്ധേയമാണ്.

ഉപയോക്താക്കളിൽ നിന്നുള്ള പുതിയ വിവരങ്ങൾ ചേർക്കപ്പെടുന്നതിനനുസരിച്ച് നംബിയോ സ്കോറുകളിൽ മാറ്റം വരാറുണ്ട്; ഏറ്റവും പുതിയ തത്സമയ കണക്കുകൾ പ്രകാരം തിരുവനന്തപുരം 124.0 പോയിൻ്റുകളോടെ ഇന്ത്യയിൽ 9-ാം സ്ഥാനത്തേക്ക് ഉയർന്നിട്ടുണ്ട്

EAST FORT TRIVANDRUM . . Follow & Tag @trivandrum_tag . . . Credit :  @pcr_imaging . . . [ Credit owned by respective content creators. Please  contact for credit issues Pm @trivandrum_tag ]

കൂടുതൽ വാർത്തകൾക്ക് www.newsboardindia.com സന്ദർശിക്കുക

Leave a Reply

Your email address will not be published. Required fields are marked *

Related News

Latest News