യുഡിഎഫിന് നേരിയ മുന്‍തൂക്കം: തൂക്കുസഭയ്ക്കും സാധ്യത

കൊച്ചി : നിയമസഭാ തിരഞ്ഞെടുപ്പ് സംബന്ധിച്ച ടുഡേയ്‌സ് ചാണക്യ എക്‌സിറ്റ് പോളിൽ സംസ്ഥാനത്ത് തൂക്കുസഭയ്ക്കുളള സാധ്യതയെന്ന് വിലയിരുത്തൽ.

അതേസമയം യുഡിഎഫിന് നേരിയ മുന്‍തൂക്കം പ്രവചിക്കുന്നതുമാണ് സര്‍വ്വേ ഫലം. 69 സീറ്റുകളില്‍ യുഡിഎഫ് വിജയിക്കുമെന്ന് എക്‌സിറ്റ് പോള്‍ പ്രവചിക്കുന്നു. അതേസമയം 9 സീറ്റുകള്‍ കുറയുകയോ കൂടുകയോ ചെയ്യാമെന്നും സര്‍വ്വേ ഫലത്തില്‍ പറയുന്നുണ്ട്.

അതേസമയം ഭരണകക്ഷിയായ എല്‍ഡിഎഫിന് 64 സീറ്റുകള്‍ ലഭിക്കാനാണ് സാധ്യതയെന്നും ടുഡേയ്‌സ് ചാണക്യ പ്രവചിക്കുന്നു. ഇടതുപക്ഷത്തിനും 9 സീറ്റുകള്‍ കുറയാനോ കൂടാനോ സാധ്യതയുണ്ട്.

ബിജെപിക്ക് 7 സീറ്റുകളും എക്‌സിറ്റ് പോള്‍ പ്രവചിച്ചിട്ടുണ്ട്. 7ല്‍ നിന്ന് 4 സീറ്റുകള്‍ കുറയാനോ കൂടാനോ ഉളള സാധ്യതയും സര്‍വ്വേ ചൂണ്ടിക്കാട്ടുന്നു.

യുഡിഎഫിന് 40 ശതമാനം വോട്ടും എല്‍ഡിഎഫിന് 38 ശതമാനം വോട്ടും പ്രവചിക്കുമ്പോള്‍ ബിജെപിക്ക് 20 ശതമാനം വോട്ടാണ് ടുഡേയ്‌സ് ചാണക്യ എക്‌സിറ്റ് പോള്‍ പ്രവചിച്ചിരിക്കുന്നത്. മൂന്ന് മുന്നണികള്‍ക്കും ഈ വോട്ട് ശതമാനത്തില്‍ നിന്ന് 3 ശതമാനം കുറയാനോ കൂടാനോ ഉളള സാധ്യതയും സര്‍വ്വേ പറയുന്നുണ്ട്.

മറ്റുളളവര്‍ക്ക് 1 സീറ്റും 2 ശതമാനം വോട്ടും ലഭിച്ചേക്കുമെന്നും എക്‌സിറ്റ് പോള്‍ പ്രവചിക്കുന്നു.