കൊച്ചി: വാഹനാപകടത്തെ തുടര്ന്ന് നടന് സുരാജ് വെഞ്ഞാറമൂടിനു മോട്ടോര് വാഹനവകുപ്പ് കാരണം കാണിക്കല് നോട്ടിസ് നല്കും.
ഗതാഗത നിയമത്തെക്കുറിച്ചുള്ള ക്ലാസ്സിലും സുരാജ് പങ്കെടുക്കണമെന്നും മോട്ടോര് വാഹനവകുപ്പ് അറിയിച്ചു. അപകടത്തില് പരിക്കേറ്റയാള് ചികിത്സയിലാണ്.
ശനിയാഴ്ച രാത്രി 12 മണിയോടെയാണ് സുരാജ് വെഞ്ഞാറമൂട് ഓടിച്ച കാര് അപകടത്തില്പ്പെട്ടത്. തുടര്ന്ന് അലക്ഷ്യമായി വാഹനമോടിച്ചതിനു പോലീസ് കേസെടുത്തു. റുമായി പൊലീസ് സ്റ്റേഷനില് ഹാജരാകാനും നിര്ദേശിച്ചിരുന്നു.
കാര് ബൈക്കുമായികൂട്ടിയിടിക്കുകയായിരുന്നു. മലപ്പുറം മഞ്ചേരി സ്വദേശി ശരത്തിനാണ് പരിക്കേറ്റത്. ഇദ്ദേഹത്തെ പാലാരിവട്ടത്തെ സ്വകാര്യ ആശുപത്രിയില് പ്രവേശിപ്പിച്ചു.
സുരാജ് വെഞ്ഞാറമൂട് കാറില് തിരുവനന്തപുരം ഭാഗത്തേക്ക് വരികയായിരുന്നു. ഈ സമയം എതിര് ദിശയില് സഞ്ചരിച്ചിരുന്ന ബൈക്കുമായാണ് കാര് കൂട്ടിയിടിച്ചത്. ബൈക്കില് യാത്ര ചെയ്തിരുന്ന ശരത്തിന്റെ കാലിന് സാരമായ പരിക്കേറ്റു. കാലിന് ശസ്ത്രക്രിയ വേണ്ടി വരുമെന്നാണ് ആശുപത്രി വൃത്തങ്ങള് അറിയിച്ചത്.
സുരാജ് വെഞ്ഞാറമൂടിന് കാര്യമായ പരിക്കുകളില്ല. എന്നാല് അദ്ദേഹവും ആശുപത്രിയില് എത്തിയിരുന്നു. പിന്നീട് അവിടെ നിന്ന് മടങ്ങി. അപകടത്തില് പാലാരിവട്ടം പൊലീസാണ് കേസ് രജിസ്റ്റര് ചെയ്തിട്ടുള്ളത്.
