ന്യൂഡല്‍ഹി: കേന്ദ്ര മന്ത്രിസഭയിൽ സഹമന്ത്രിയായ സുരേഷ് ഗോപിക്ക് ടൂറിസം, പെട്രോളിയം- പ്രകൃതി വാതക വകുപ്പുകളുടെ ചുമതല. ജോര്‍ജ് കുര്യന് മൂന്ന് വകുപ്പുകളുടെ ചുമതല ലഭിച്ചിട്ടുണ്ട്. ന്യൂനപക്ഷ ക്ഷേമം, മൃഗ സംരക്ഷണം, ഫിഷറീസ് വകുപ്പുകളുടെ സഹമന്ത്രി സ്ഥാനമാണ് അദ്ദേഹത്തിന് കിട്ടുന്നത്.
മന്ത്രിസഭയിലെ പ്രധാനികളായ അമിത് ഷാ, രാജ്‌നാഥ് സിങ്, നിതിൻ ഗഡ്കരി എന്നിവര്‍ തങ്ങൾ നേരത്തെ കൈകാര്യം ചെയ്തിരുന്ന വകുപ്പുകൾ തന്നെ കൈകാര്യം ചെയ്യും.
അമിത് ഷാ ആഭ്യന്തര വകുപ്പും രാജ്‌നാഥ് സിങ് പ്രതിരോധ മന്ത്രാലയവും നിതിൻ ഗഡ്കരി കേന്ദ്ര ഉപരിതല മന്ത്രാലയവും നയിക്കും.എസ് ജയശങ്കർ വിദേശകാര്യ മന്ത്രിയായി തുടരും.നിര്‍മല സീതാരാൻ തന്നെയായിരിക്കും ധനകാര്യ മന്ത്രി.
വിശദമായ മന്ത്രിസഭാ പട്ടിക ഇങ്ങനെ:
ആരോഗ്യം – ജെപി നദ്ദ
റെയിൽവെ, ഐ – ബി- അശ്വിനി വൈഷ്‌ണവ്
കൃഷി – ശിവ്‌രാജ് സിങ് ചൗഹാൻ
നഗരവികസനം , ഊർജ്ജം – മനോഹർ ലാൽ ഖട്ടാര്‍
ടെലികോം – ജ്യോതിരാദിത്യ സിന്ധ്യ
വാണിജ്യം – പിയൂഷ് ഗോയൽ
ഉരുക്ക് ,ഖന വ്യവസായം – എച്ച് ഡി കുമാരസ്വാമി
തൊഴിൽ – മൻസുഖ് മാണ്ഡവ്യ
ജൽ ശക്തി – സിആര്‍ പാട്ടീൽ
വ്യോമയാനം – റാം മോഹൻ നായിഡു
പാര്‍ലമെൻ്ററി, ന്യൂനപക്ഷ ക്ഷേമം – കിരൺ റിജിജു
പെട്രോളിയം – ഹര്‍ദീപ് സിങ് പുരി
വിദ്യാഭ്യാസം – ധര്‍മ്മേന്ദ്ര പ്രധാൻ
എംഎസ്എംഇ – ജിതൻ റാം മാഞ്ചി
കായികം – ചിരാഗ് പാസ്വാൻ
വനിത ശിശു ക്ഷേമം – അന്നപൂര്‍ണ ദേവി
ഷിപ്പിങ് മന്ത്രാലയം – സര്‍വാനന്ദ സോനോവാൾ
സാംസ്കാരികം, ടൂറിസം – ഗജേന്ദ്ര സിങ് ഷെഖാവത്ത്
പരിസ്ഥിതി – ഭൂപേന്ദ്ര യാദവ്
ഭക്ഷ്യം – പ്രഹലാദ് ജോഷി
സ്റ്റാറ്റിസ്റ്റിക്സ്, പ്ലാനിങ് സാംസ്കാരികം സഹമന്ത്രി – റാവു ഇന്ദര്‍ജീത്ത് സിങ് (സ്വതന്ത്ര ചുമതല)
ശാസ്ത്ര സാങ്കേതികം, പിഎം ഓഫീസ് സഹമന്ത്രി – ഡോ.ജിതേന്ദ്ര സിങ് (സ്വതന്ത്ര ചുമതല)
നിയമ വകുപ്പ് – അര്‍ജുൻ റാം മേഘ്‌വാൾ (സഹമന്ത്രി, സ്വതന്ത്ര ചുമതല)
ആയുഷ് (സ്വതന്ത്ര ചുമതല) – ജാഥവ് പ്രതാപ്റാവു ഗൺപത്റാവു (ആരോഗ്യം കുടുംബക്ഷേമം സഹമന്ത്രി)
ശ്രീപദ് നായിക്കാണ് ഊര്‍ജ്ജ മന്ത്രാലയം സഹമന്ത്രി. ബിജെപിയിൽ നിന്നുള്ള തൊഖൻ റാം സാഹുവാണ് നഗര വികസന സഹമന്ത്രി. ശോഭ കരന്തലജെ ചെറുകിട ഇടത്തരം വ്യവസായ മന്ത്രാലയങ്ങളുടെ ചുമതല വഹിക്കുന്ന സഹമന്ത്രിയാവും. ന്യൂനപക്ഷ ക്ഷേമം സഹമന്ത്രി സ്ഥാനം റവനീത് ബിട്ടുവിനാണ്.
