ന്യൂഡൽഹി: ലോക്സഭാ തിരഞ്ഞെടുപ്പ് പ്രഖ്യാപിച്ചിരികകക്കെ,1700 കോടി രൂപ നികുതി അടയ്ക്കാൻ നിർദേശിച്ച് കോൺഗ്രസിന് വീണ്ടും ആദായ നികുതി വകുപ്പിന്റെ നോട്ടീസ്.
017- 18 സാമ്പത്തിക വര്ഷം മുതല് 2020-21 സാമ്പത്തിക വര്ഷം വരെയുള്ള പിഴയും പലിശയുമടക്കം കാണിച്ചാണ് ഈ നടപടി. ഇത് കോടതിയിൽ ചോദ്യംചെയ്യുമെന്ന് കോൺഗ്രസ് അറിയിച്ചു.
ആദായ നികുതി വകുപ്പ് റിട്ടേണുകള് സമര്പ്പിക്കാത്തിനാലും, സംഭാവന വിവരങ്ങള് മറച്ചു വച്ചതുകൊണ്ടുമാണ് ഭീമമായ പിഴ ഈടാക്കുന്നതെന്നാണ് ആദായ നികുതി വകുപ്പിന്റെ പ്രതികരണം.
ഇതേ കാലയളവിലെ നികുതി പുനര് നിര്ണ്ണയിക്കാനുള്ള ആദായ നികുതി വകുപ്പിന്റെ നടപടിക്കെതിരെ നല്കിയ ഹര്ജി ഡൽഹി ഹൈക്കോടതി തള്ളിയതിന് പിന്നാലെയാണ് നടപടി.
2014-15, 2016-17 സാമ്പത്തിക വര്ഷത്തെ നികുതി പുനര് നിര്ണ്ണയത്തിനെതിരെയും ഹൈക്കോടതിയെ സമീപിച്ചെങ്കിലും നിരാശയായിരുന്നു ഫലം. 2018-19 വര്ഷത്തെ നികുതി കുടിശികയായി കോണ്ഗ്രസിന്റെ അക്കൗണ്ടില് നിന്ന് 135 കോടി രൂപ ആദായ നികുതി വകുപ്പ് പിടിച്ചെടുത്തിരുന്നു.
കഴിഞ്ഞ മൂന്ന് വര്ഷത്തെ നികുതി പുനര് നിര്ണ്ണയത്തിനുള്ള കാലാവധി വരുന്ന ഞായറാഴ്ച അവസാനിക്കും. അനുബന്ധ രേഖകളോ കൂടുതല് വിശദാംശങ്ങളോ നല്കാതെയാണ് നോട്ടീസ് നല്കിയിരിക്കുന്നതെന്ന് കോണ്ഗ്രസ് ആരോപിച്ചു.
ഇനി സുപ്രീംകോടതിയെ സമീപിക്കാനാണ് കോൺഗ്രസ് നീക്കം. ആദായ നികുതി വകുപ്പ് അപ്ലേറ്റ് ട്രിബ്യൂണലിനെ സമീപിച്ചെങ്കിലും വകുപ്പിന്റെ നടപടികള് ശരി വയ്ക്കുകയായിരുന്നു.
അക്കൗണ്ടുകൾ മരവിപ്പിച്ചതോടെ സാമ്പത്തിക പ്രതിസന്ധിയിൽ നട്ടം തിരിയുകയാണ് കോൺഗ്രസ്. തെരഞ്ഞെടുപ്പ് പ്രചാരണത്തിന് പിസിസികളും സ്ഥാനാർത്ഥികളും പണം കണ്ടെത്തേണ്ടി വരുന്ന സ്ഥിതിയാണ്.
