തിരുവനന്തപുരം: കോവിഡ് ബാധിച്ച് തിരുവനന്തപുരത്ത് ഒരാഴ്ചക്കിടെ രണ്ട് പുരുഷന്മാർ മരിച്ചു.
ഹൃദ്രോഗത്തിനുള്ള ചികിത്സയിലുള്ള ഇരുവരും 70 വയസ് കഴിഞ്ഞവരായിരുന്നു.മരിക്കുമ്പോള് ഇരുവരുടേയും പരിശോധനാ ഫലം പോസിറ്റീവായിരുന്നു എന്നാണ് റിപ്പോർട്ട്.
2024ല് സംസ്ഥാനത്ത് 76 കോവിഡ് മരണങ്ങള് റിപ്പോര്ട്ട് ചെയ്തിട്ടുണ്ട്. ഈ മാസം മാത്രം സംസ്ഥാനത്ത് 182 കോവിഡ് കേസുകള് റിപ്പോര്ട്ട് ചെയ്തതായി ആരോഗ്യ മന്ത്രി വീണാ ജോര്ജ് വ്യക്തമാക്കിയിരുന്നു.
കോട്ടയം ജില്ലയില് 57 കേസുകളും എറണാകുളത്ത് 34 കേസുകളും തിരുവനന്തപുരത്ത് 30 കേസുകളും റിപ്പോര്ട്ട് ചെയ്തിട്ടുണ്ട്.
സംസ്ഥാനത്ത് രോഗലക്ഷണമുള്ളവര്ക്ക് കോവിഡ് പരിശോധന നടത്താന് നിര്ദേശം നല്കിയിട്ടുണ്ട്. സ്റ്റേറ്റ് ലെവല് റാപ്പിഡ് റെസ്പോണ്സ് ടീം (ആര്ആര്ടി) യോഗം ചേര്ന്ന് സംസ്ഥാനത്തെ പൊതുസാഹചര്യം വിലയിരുത്തി.
ദക്ഷിണ പൂര്വേഷ്യന് രാജ്യങ്ങളില് കോവിഡ് രോഗബാധ വലിയ തോതില് റിപ്പോര്ട്ട് ചെയ്യപ്പെടുന്ന സാഹചര്യത്തില്, കേരളത്തിലും ജാഗ്രത പാലിക്കണമെന്ന് ആരോഗ്യമന്ത്രി പറഞ്ഞു.
ഈ രാജ്യങ്ങളില് കോവിഡ് കേസുകള് ഉയരുന്ന സാഹചര്യത്തില് കേരളത്തിലും കോവിഡ് വര്ധിക്കാന് സാധ്യതയുണ്ട്. അതിനാല് ജാഗ്രത തുടരണം. ജലദോഷം, തൊണ്ടവേദന, ചുമ, ശ്വാസതടസം തുടങ്ങിയ രോഗലക്ഷണങ്ങള് ഉള്ളവര് നിര്ബന്ധമായും മാസ്ക് ധരിക്കണമെന്ന് ആരോഗ്യ മന്ത്രി നിര്ദേശിച്ചു.
