സൗന്ദര്യ സങ്കൽപ്പങ്ങൾക്ക് നിറച്ചാർത്തണിയിച്ച മേനോൻ…

സതീഷ് കുമാർ വിശാഖപട്ടണം

1965 വരെ മലയാള സിനിമയുടെ ചിത്രീകരണങ്ങൾ നടന്നിരുന്നത് മദ്രാസ് നഗരത്തിലെ കൂറ്റൻ സ്റ്റുഡിയോകളിൽ മാത്രമായിരുന്നു.

മലയാളസിനിമയെ കൃത്രിമ സെറ്റുകളിൽ നിന്നും പുറത്തേക്ക് കൊണ്ടുവന്ന് യാഥാർത്ഥ്യ ബോധത്തോടെ അഭ്രപാളികളിൽ പകർത്തിയത് കലാ സംവിധായനും സെറ്റ് ഡയരക്ടറും പോസ്റ്റർ ഡിസൈനറുമായി സിനിമയിലെത്തി മലയാളത്തിലെ മികച്ച സംവിധായകനായി മാറിയ പി.എൻ. മേനോനാണ് .

അദ്ദേഹത്തിൻ്റെ ആദ്യ ചിത്രമായ “റോസി ” പൂർണമായും ഔട്ട് ഡോറിലാണ് ചിത്രീകരിച്ചത്. അമ്മ വേഷങ്ങളിൽ ഒതുങ്ങി നിന്നിരുന്ന കവിയൂർ പൊന്നമ്മയായിരുന്നു റോസി യിലെ നായിക. ഈ ചിത്രത്തിൻ്റെ പ്രിൻ്റ് നശിച്ചു പോയതിനാൽ

“അല്ലിയാമ്പൽ
കടവിലന്നരക്കു വെള്ളം
അന്നു നമ്മളൊന്നായ് തുഴഞ്ഞില്ലേ കൊതുമ്പു വള്ളം … “

(രചന പി.ഭാസ്ക്കരൻ സംഗീതം ജോബ്, ആലാപനം യേശുദാസ്)

എന്ന പ്രശസ്ത ഗാനത്തിൻ്റെ വീഡിയോ കാണാൻ പുതിയ തലമുറക്ക് ഭാഗ്യം ലഭിക്കാതെ വന്നു .

നിലവിലുണ്ടായിരുന്ന സിനിമാ സങ്കല്പങ്ങളെ മാറ്റിമറിച്ച് സർവ്വഗുണ സമ്പന്നനായ നായകനിൽ നിന്നും സാധാരണ മനുഷ്യരുടെ ചൂടും ചൂരും വികാരങ്ങളും ദൗർബ്ബല്യങ്ങളുമുള്ള പച്ച മനഷ്യരെ വെള്ളിത്തിരയിലെത്തിച്ച കലാമൂല്യമുള്ള ചിത്രങ്ങളായിരുന്നു മേനോൻ്റെ ചലച്ചിത്ര സംഭാവനകൾ. സംഗീത പ്രേമികൾക്ക് ഒരിക്കലും മറക്കാൻ പറ്റാത്ത അനശ്വര ഗാനങ്ങൾ കൊണ്ട് അനുഗൃഹീതമായിരുന്നു അദ്ദേഹത്തിൻ്റെ ചിത്രങ്ങൾ .

“ചക്രവർത്തിനീ നിനക്കു ഞാനെൻ്റെ ശില്പഗോപുരം തുറന്നു …. “

https://youtu.be/5bNewuF0_zg

“അമ്പാടി തന്നിലൊരുണ്ണി അഞ്ജന കണ്ണനാമുണ്ണി ……”

“കുണുക്കിട്ട കോഴി കുളക്കോഴി …. “

” ശരണമയ്യപ്പ സ്വാമി ശരണമയ്യപ്പാ …”
( എല്ല ഗാനങ്ങളും ചിത്രം ചെമ്പരത്തി ,രചന വയലാർ സംഗീതം ദേവരാജൻ )

“പ്രളയപയോധിയിൽ ഉറങ്ങിയുണർന്നൊരു പ്രഭാമയൂഖമേ കാലമേ …”

“അനസൂയേ പ്രിയംവദേ….”

“വൈക്കത്തപ്പനും ശിവരാത്രി ….”
( എല്ലാ ഗാനങ്ങളും ചിത്രം മഴക്കാറ് , രചന വയലാർ സംഗീതം ദേവരാജൻ )

“അമ്മേ … അമ്മേ ..അവിടത്തെ മുന്നിൽ ഞാനാര് ദൈവമാര് ….”

“ചായം കറുത്ത ചായം …”
(ചിത്രം ചായം രചന വയലാർ, സംഗീതം ദേവരാജൻ)

“തങ്ക തളികയിൽ പൊങ്കലുമായ് വരും തൈമാസ തമിൾ പെണ്ണേ …”

“പത്മതീർത്ഥമേ ഉണരൂ ….”

https://youtu.be/Jhds48lqDt0

(ഗായത്രി , ഈ ഗാനത്തിനാണ് യേശുദാസിന് രണ്ടാമതും ദേശീയ പുരസ്ക്കാരം ലഭിച്ചത് . രചന വയലാർ, സംഗീതം ദേവരാജൻ)

” മണിമാരൻ തന്നത് പണമല്ല പൊന്നല്ല….”

(ചിത്രം ഓളവും തീരവും, രചന പി.ഭാസ്ക്കരൻ, സംഗീതം ബാബുരാജ്, ആലാപനം യേശുദാസ്, മച്ചാട് വാസന്തി )

എന്നിവയെല്ലാം മേനോൻ്റെ ചിത്രങ്ങളിലെ ഇമ്പമുള്ള ഗാനങ്ങളായിരുന്നു.

പ്രശസ്ത സംവിധായകനായിരുന്ന ഭരതൻ്റെ ചെറിയച്ഛനായിരുന്നു മേനോൻ . 1926 ജനവരി 2-ന് ജനിച്ച പി.എൻ. മേനോൻ്റെ ജന്മവാർഷിക ദിനമാണിന്ന്. മലയാള സിനിമക്ക് മറക്കാൻ പറ്റാത്ത ഒരു പിടി നല്ല ഗാനങ്ങളിലൂടെ നമുക്ക് അദ്ദേഹത്തിൻ്റെ ഓർമ്മ പുതുക്കാം.

—————————————————————
(സതീഷ് കുമാർ : 9030758774)
————————————-
കൂടുതല്‍ വാര്‍ത്തകള്‍ക്കായി
http://www.newsboardindia.com
സന്ദര്‍ശിക്കുക