ന്യൂഡൽഹി : ലോക്സഭയിൽ മന്ത്രി അമിത് ഷായ്ക്ക് എതിരെ അവകാശ ലംഘന നോട്ടീസ്.
മഹാരാഷ്ടയിൽ, രാഹുല്ഗാന്ധി സന്ദർശിച്ച കലാവതിയെന്ന സ്ത്രീക്ക് വീടും റേഷനും വൈദ്യുതിയും നല്കിയത് മോദി സർക്കാരാണെന്ന അമിത് ഷായുടെ പരാമർശത്തിനെതിരെ ആണ് നോട്ടീസ്. കോണ്ഗ്രസ് എംപി മാണിക്യം ടാഗോറാണ് അവകാശ ലംഘന നോട്ടീസ് നല്കിയത്. .
അമിത് ഷാ പറയുന്നത് തെറ്റാണെന്നും രാഹുല്ഗാന്ധിയാണ് തങ്ങളെ സഹായിച്ചതെന്നും കലാവതി വെളിപ്പെടുത്തുന്ന വിഡീയോ കോണ്ഗ്രസ് പുറത്ത് വിട്ടിരുന്നു. ഇതിന് പിന്നാലെയാണ് അവകാശ ലംഘനത്തിന് നോട്ടീസ് നൽകിയിരിക്കുന്നത്.
അതേസമയം, ലോക്സഭ നടക്കുന്നതിനിടെ രാഹുല് ഗാന്ധി എംപി ഫ്ലെയിങ് കിസ് നല്കിയെന്ന ആരോപണത്തിൽ ബിജെപി വനിത എംപിമാർ പരാതി നല്കി. വനിത എംപിമാർക്ക് നേരെ രാഹുല് ഗാന്ധി ഫ്ലൈയിങ് കിസ് നല്കിയെന്ന് കേന്ദ്രമന്ത്രി സ്മൃതി ഇറാനിയാണ് ആരോപണം ഉന്നയിച്ചത്.
സ്മൃതി ഇറാനിക്കും വനിത എംപിമാർക്കും നേരെയാണ് ഫൈയിങ് കിസ് നല്കിയതെന്ന് ശോഭ കരന്തലജെ ആരോപിച്ചു. അവിശ്വാസ പ്രമേയ ചർച്ചയിൽ ലോക്സഭയിൽ സംസാരിക്കുമ്പോഴായിരുന്നു രാഹുൽഗാന്ധി.
