കൊച്ചി: സിനിമ നടിയെ കാറില് തട്ടിക്കൊണ്ടു പോയി പീഡിപ്പിച്ച കേസിന്റെ വിചാരണ പൂര്ത്തിയാക്കി വിധി പറയാന് വിചാരണക്കോടതി വീണ്ടും സമയം നീട്ടിച്ചോദിച്ചു.
2024 മാര്ച്ച് 31 വരെ സമയം അനുവദിക്കണമെന്നാണ് വിചാരണക്കോടതി ജഡ്ജി ഹണി എം വര്ഗീസിന്റെ പുതിയ ആവശ്യം. ഇതിനായി സുപ്രീം കോടതിയില് റിപ്പോര്ട്ട് നല്കി.
കഴിഞ്ഞ മാസം 31നകം വിചാരണ പൂര്ത്തിയാക്കണമെന്നായിരുന്നു സുപ്രീം കോടതി നിര്ദ്ദേശം. സാക്ഷി വിസ്താരം പൂര്ത്തിയാക്കാന് മാത്രം മൂന്ന് മാസം വേണമെന്നും ആറ് സാക്ഷികളുടെ വിസ്താരം ബാക്കിയുണ്ടെന്നും കോടതിയെ ജഡ്ജി അറിയിച്ചിട്ടുണ്ട്.
വിചാരണക്കോടതി ജഡ്ജിയുടെ ആവശ്യം ജസ്റ്റിസുമാരായ അനിരുദ്ധ ബോസ്, ബേല എം ത്രിവേദി എന്നിവരടങ്ങിയ സുപ്രീം കോടതി ബെഞ്ച് പരിഗണിക്കും.
