തിരുവനന്തപുരം: സോളാര് വിവാദം നിയമസഭ നിര്ത്തിവച്ച് ചര്ച്ച ചെയ്യും. അതിജീവിത എഴുതിയ കത്തില് ഉമ്മന്ചാണ്ടിക്കെതിരെ ലൈംഗീക പീഡന പരാതി ഉണ്ടായിരുന്നില്ലെന്നും പിന്നീട് എഴുതി ചേര്ത്തതാണെന്നുമുള്ള സിബിഐ കണ്ടെത്തല് സഭ നിര്ത്തിവച്ച് ചര്ച്ച ചെയ്യണമെന്നാവശ്യപ്പെട്ട് പ്രതിപക്ഷത്തു നിന്ന് ഷാഫി പറമ്പില് എംഎല്എയാണ് നോട്ടീസ് നല്കിയത്.
അതിജീവിതയുടെ ആവശ്യപ്രകാരം സിബിഐയെ അന്വേഷണം ഏല്പ്പിച്ചത് സര്ക്കാരാണെന്ന് മുഖ്യമന്ത്രി വ്യക്തമാക്കി. റിപ്പോര്ട്ട് ഔദ്യോഗികമല്ലാത്തതിനാല് അഭിപ്രായം പറയാനാവില്ല. ഊഹാപോഹങ്ങളുടെ അടിസ്ഥാനത്തില് മറുപടി പറയുന്നത് യുക്തിക്ക് നിരക്കുന്നതല്ല.സിബിഐ റിപ്പോര്ട്ട് സംബന്ധിച്ച് ഒദ്യോഗിക രേഖയൊന്നും സര്ക്കാരിന്റെ പക്കല് ഇല്ല എങ്കിലും , അടിയന്തര പ്രമേയം ചര്ച്ച ചെയ്യാന് സര്ക്കാര് തയ്യാറാണെന്ന് മുഖ്യമന്ത്രി പറഞ്ഞു. ഉച്ചക്ക് 1 മണിക്ക് സഭ ഈ വിഷയം ചര്ച്ച ചെയ്യും.
