റഷ്യ–യുക്രെയ്ൻ യുദ്ധം തീരുന്നുവെന്ന് പുട്ടിൻ

മോസ്കോ : നാലു വർഷത്തിലേറെ നീണ്ട റഷ്യ–യുക്രെയ്ൻ യുദ്ധം അവസാനിക്കുകയാണെന്ന് റഷ്യൻ പ്രസിഡന്‍റ് വ്ലാഡിമിർ പുട്ടിൻ പറഞ്ഞു.

യുക്രെയ്നും റഷ്യയും മൂന്ന് ദിവസത്തേയ്ക്ക് വെടിനിർത്തൽ നടപ്പിലാക്കണമെന്നുംം യുദ്ധത്തടവുകാരെ കൈമാറണമെന്നുമുള്ള അമേരിക്കൻ പ്രസിഡണ്ട ഡൊണാൾഡ് ട്രംപിൻ്റെ നിർദേശത്തിന് പിന്നാലെയാണ് അദ്ദേഹത്തിൻ്റെ ഈ പ്രതികരണം.യുദ്ധം അവസാനിപ്പിക്കാൻ സഹായിച്ച അമേരിക്കയ്ക്ക് നന്ദിയും പുട്ടിൻ പറഞ്ഞു.

ചർച്ചകൾ സുഗമമാക്കിയതിന് അമേരിക്കയോട് ഞങ്ങൾ നന്ദിയുള്ളവരാണ്. യുദ്ധം അവസാനിക്കുകയാണ്.അമേരിക്കൻ പ്രസിഡണ്ട്
ഡോണൾഡ് ട്രംപ് നിർദേശിച്ച യുദ്ധത്തടവുകാരുടെ കൈമാറ്റത്തിനായി, ഉക്രൈൻ്റെ പ്രതികരണത്തിന് കാത്തുനിൽക്കുകയാണ് .
അവർ പ്രതികരിക്കുമെന്ന് ഞങ്ങൾ പ്രതീക്ഷിക്കുന്നു.– പുട്ടിൻ പറഞ്ഞു.

മേയ് 9 മുതൽ 11 വരെ മൂന്ന് ദിവസത്തെ വെടിനിർത്തൽ നടപ്പിലാക്കാൻ ഡോണൾഡ് ട്രംപ് നിർദേശിച്ചിരുന്നു. 1000 യുദ്ധത്തടവുകാരെ പരസ്പരം കൈമാറാനും ആവശ്യപ്പെട്ടിരുന്നു. ഇതിനോട് യുക്രെയ്ൻ പ്രസിഡണ്ട് സെലൻസ്കി ഇതുവരെ പ്രതികരിച്ചിട്ടില്ല.