കണ്ണൂർ : എ ഡി എം ആയിരുന്ന കെ നവീന് ബാബുവിൻ്റെ ദുരൂഹ മരണത്തില് തുടരന്വേഷണം ആവശ്യപ്പെട്ടുള്ള ഭാര്യ മഞ്ജുഷയുടെ ഹര്ജി തലശ്ശേരി അഡീഷണല് ജില്ലാ സെഷന്സ് കോടതി ഭാഗികമായി അനുവദിച്ചു.
സി പി എം നേതാവ് പി പി ദിവ്യയുടെ ഫോണ് രേഖ പരിശോധിക്കണമെന്ന് കോടതി ഉത്തരവിട്ടു. എഡിഎമ്മും ടിവി പ്രശാന്തും കണ്ടുമുട്ടിയ സിസിടിവി ദൃശ്യം പരിശോധിക്കണമെന്നും കോടതി നിര്ദേശിച്ചു.
മഞ്ജുഷ 12 ആവശ്യങ്ങള് ഉന്നയിച്ചുകൊണ്ടാണ് തുടരന്വേഷണത്തിനായി കോടതിയില് ഹര്ജി സമര്പ്പിച്ചത്. ഇതില് നാല് ആവശ്യങ്ങളാണ് കോടതി അംഗീകരിച്ചിരിക്കുന്നത്.
ദിവ്യ ഔദ്യോഗിക കാര്യങ്ങള്ക്കായി ഉപയോഗിച്ചിരുന്ന ഫോണിലെ വിവരങ്ങള് കൂടി പരിശോധിക്കണം, പ്രശാന്തില് നിന്ന് നവീന് ബാബു പണം വാങ്ങിയെന്ന് പറയുന്ന ആ കണ്ടുമുട്ടലിന്റെ സിസിടിവി ദൃശ്യങ്ങള് പരിശോധിക്കണം, പ്രശാന്ത് ആദ്യം പരാതി നല്കിയ വിജിലന്സ് ഉദ്യോഗസ്ഥരേയും കേസില് ഉള്പ്പെടുത്തി അവരുടെ മൊഴിയെടുക്കണം, നവീന് പണം നല്കാനായി പ്രശാന്ത് എടുത്തുവെന്ന് പറയുന്ന സ്വർണ്ണവായ്പയുടെ വിശദാംശങ്ങള് പരിശോധിക്കുക എന്നീ നാല് ആവശ്യങ്ങളാണ് കോടതി അംഗീകരിച്ചിരിക്കുന്നത്.
അന്വേഷണത്തില് ദിവ്യയുടെ പേഴ്സണല് ഫോണ് മാത്രമേ പരിശോധിച്ചിരുന്നുള്ളൂവെന്നും അതിലെ സിം ദിവ്യയുടെ ഭര്ത്താവിൻ്റെ പേരിലാണെന്നും ആരോപണമുണ്ടായിരുന്നു. ദിവ്യയുടെ ഔദ്യോഗിക ഫോണ് പരിശോധിക്കാനുള്ള സുപ്രധാന നിര്ദേശമാണ് കോടതിയില് നിന്നും ഇപ്പോള് വന്നിരിക്കുന്നത്.
പെട്രോള് പമ്പിന് അനുമതി നല്കാന് നവീന് ബാബു കൈക്കൂലി വാങ്ങി എന്നായിരുന്നു ദിവ്യയുടെ ആരോപണം. ഇത് ഒരു പൊതുപരിപാടിക്കിടെ ദിവ്യ സൂചിപ്പിക്കുകയും പിന്നാലെ നവീന് ബാബു ജീവനൊടുക്കുകയുമായിരുന്നു. ദിവ്യയുടെ ആരോപണത്തെ തുടര്ന്നുള്ള മനോവിഷമത്തിലാണ് ആത്മഹത്യയെന്നായിരുന്നു ഉയര്ന്ന ആരോപണം.
