കൊച്ചി : “മംദാനി ന്യൂയോർക്കിലെ കെ.സി.വേണു ഗോപാലാണ്. ന്യൂനപക്ഷ രാഷ്ട്രീയം കളിച്ച് മേയറായി. ഇന്ത്യയിൽ കെ.സി. യുടെ ലൈനും അതാണല്ലോ. കുടിയേറ്റ മുസ്ലീങ്ങളുടെ വോട്ട് ഉറപ്പാക്കി.” എഴുത്തുകാരനായ അശോക് കർത്താ ഫേസ്ബുക്കിലെഴുതുന്നു.
“പേരിൽ മുസ്ലീമുള്ള ലീഗു പോലും പരസ്യമായി തങ്ങൾ മുസ്ലീം ആണെന്നു പറയാറില്ല. അപ്പോഴാണ് സെക്കുലർ മാപ്രകളുടെ മതാഘോഷം.
മംദാനി കമ്മ്യൂണിസ്റ്റാണെന്നു അയാൾ പോലും അവകാശപ്പെടുന്നില്ല. സോഷ്യൽ ഡെമോക്രാറ്റ് എന്നാണ് ബയോയിൽ.” അശോക് കർത്താ തുടരുന്നു.
താനൊരു മുസ്ലീം ആണെന്നു സോറാൻ മംദാനി പറഞ്ഞതാണ് ഇവിടുത്തെ മാദ്ധ്യമങ്ങൾ ആഘോഷിക്കുന്നത്.
അങ്ങനെ വേണം. സ്വത്വം ഉയർത്തിപ്പിടിക്കുന്നവരെ അംഗീകരിക്കണം.
ഇന്ത്യയിൽ താനൊരു ഹിന്ദുവാണെന്നു അവകാശപ്പെട്ടാൽ ഏതെങ്കിലും മാപ്രകൾ അത് ഉയർത്തിപ്പിടിക്കുമോ?
പ്രമാദം, പ്രമാദമെന്നു പറഞ്ഞ് കുളിര് കോരുമോ?
നായരാണെന്നു പറഞ്ഞാൽ, പട്ടിക ജാതിയിലെ ഇന്ന സമുദായമാണെന്നു പറഞ്ഞാൽ, ശ്രീനാരായണീയനാണെന്നു പറഞ്ഞാൽ….?
മോഹൻലാലിനു ഇല്ലാത്ത നായർ വാൽ കെട്ടിവച്ച് വേട്ടയാടുന്നതാണ് മലയാള പൊതുബോധം.
പുരോഗമന പ്രഭാഷകരെ നോക്കിയാൽ സ്വത്വം മറച്ച് പിടിച്ച് മറ്റെന്തിനോ Crave ചെയ്യുന്ന സവർണ്ണ ലക്ഷണം കാണാം. സവർണ്ണരാണല്ലോ കേരളത്തിൽ ആദ്യമായി വാലുമുറിച്ച് പുരോഗമനവാദി ആയത്.
മംദാനി ഒരു കമ്മ്യൂണിസ്റ്റാണെന്നു പ്രചരിപ്പിക്കുന്നു.
കമ്മ്യൂണിസ്റ്റിനു ജാതിപറയാൻ അനുവാദമില്ല! (കൊടുമൺ പോറ്റി ).
സി.പി.ഐക്ക് പറയാം. ദേവസ്വം ബോർഡിലെ ‘നായർ പ്രതിനിധി’യെ തെരെഞ്ഞെടുക്കുന്നത് അവരാണെന്നു വാർത്തയുണ്ട്.
പേരിൽ മുസ്ലീമുള്ള ലീഗു പോലും പരസ്യമായി തങ്ങൾ മുസ്ലീം ആണെന്നു പറയാറില്ല. അപ്പോഴാണ് സെക്കുലർ മാപ്രകളുടെ മതാഘോഷം.
മംദാനി കമ്മ്യൂണിസ്റ്റാണെന്നു അയാൾ പോലും അവകാശപ്പെടുന്നില്ല. സോഷ്യൽ ഡെമോക്രാറ്റ് എന്നാണ് ബയോയിൽ.
ഇയാൾ ന്യൂയോർക്കിലെ കെ.സി.വേണു ഗോപാലാണ്. ന്യൂനപക്ഷ രാഷ്ട്രീയം കളിച്ച് മേയറായി. ഇന്ത്യയിൽ കെ.സി. യുടെ ലൈനും അതാണല്ലോ. കുടിയേറ്റ മുസ്ലീങ്ങളുടെ വോട്ട് ഉറപ്പാക്കി.
ത്രികോണ മത്സരത്തിലാണ് മംദാനി ജയിച്ചത്. ട്രമ്പിൻ്റെ മാനസപുത്രനായ കുവോമോ ജൂതനാണ്. ന്യൂയോർക്കിൽ ജൂതന്മാർ നിർണ്ണായക ശക്തിയാണ്. റിപ്പബ്ലിക്കൻ പാർട്ടിയുടെ സ്ഥാനാർത്ഥി കർട്ടിസ് സ്ലീബ.
ക്യൂൻസിൽ നിന്നുള്ള മെമ്പർ മംദാനി മേയറായി തെരെഞ്ഞെടുക്കപ്പെട്ടു. ഹിന്ദുക്കളുടെ വോട്ട് സമാഹരിക്കാൻ വിനായക ക്ഷേത്രത്തിൽ പോയി ഏത്തമിട്ടു. മോഡി തന്ത്രം! ഈമാൻ പോയാലെന്താ മേയർ ആയല്ലോ.
മംദാനിയെ കാത്തിരിക്കുന്നത് സുഖകരമായ ഭാവിയല്ല. ലോകത്തെ വലിയ കോടീശ്വരന്മാർ താമസിക്കുന്ന നഗരമാണ് ന്യൂയോർക്ക്. ലോ & ഓർഡർ വെടുപ്പായി കൊണ്ടു പോകണം. അതിനു വെല്ലുവിളിയായി നിൽക്കുന്നത് കുടിയേറ്റക്കാരാണ്. അവരുടെ വെൽഫെയറും പരിഗണിക്കണം. ന്യൂയോർക്കിൽ കാലുകുത്തിയാൽ നെതന്യാഹുവിനെ പിടിച്ച് ലോക്കപ്പിലിടും എന്നു വീമ്പിളക്കുന്ന പോലല്ല മുനിസിപ്പൽ കൗൺസിൽ ഭരണം. അല്ലെങ്കിൽ ആര്യാരാജേന്ദ്രനോട് ചോദിക്കുക. ആനാവൂർ പോലെ അവിടെയുണ്ടോ സാർ?
ബസിൽ സൗജന്യയാത്രയൊക്കെ ഓഫർ ചെയ്തിട്ടുണ്ട്. കെജറിവാളിൻ്റെ അതേ ഉടായിപ്പ്. ജയലളിതയുടെ അമ്മാ ഇഡലിക്കടപ്പോലെ മംദാനി ഫുഡ് കോർണർ തുടങ്ങുന്നത് നന്നായിരിക്കും.
താമസ സൗകര്യം ന്യൂയോർക്കിൽ വലിയ പ്രശ്നമാണ്. കേരളത്തിലെ ലൈഫ് മിഷനുമായി ബന്ധപ്പെട്ടാൽ പരിഹാരം തേടാം. പടം വക്കാമെങ്കിൽ മോഡിജി സഹായിക്കാനുമിടയുണ്ട്.
ഹൗസിങ്ങിലെ ഏറ്റവും വലിയ അപകടം ഡൊണാൾഡ് ട്രമ്പിനെപ്പോലെ ഒരു റിയൽ എസ്റ്റേറ്റ് tycoon അമേരിക്കൻ പ്രസിഡൻ്റായി ഇരിക്കുന്നതാണ്. സി.പി.ഐയെപ്പോലെ കേന്ദ്രഭരണത്തിനു ഇടന്തടിച്ചു നിൽക്കാതെ യോജിച്ച് പോകാൻ നോക്കിയാൽ നികുതി കൂട്ടി ജനവിരുദ്ധൻ ആവാതിരിക്കാം. ജൻസി സമരങ്ങൾ വലിച്ച് തലയിൽ വക്കാതിരിക്കാം.
റോട്ടി കപ്പടാ ഔർ മക്കാൻ.
അതായത് അമ്പത് കൊല്ലം മുമ്പത്തെ ഇന്ത്യയാണിന്നു ന്യൂയോർക്ക്.
ബെസ്റ്റ് ഓഫ് ലക്ക് ബായി!
