കൊച്ചി : സംവിധായകൻ പ്രിയദർശൻ്റെ മകൾ കല്യാണി പ്രിയദർശനെ നായികയാക്കി ഡൊമിനിക് അരുൺ സംവിധാനം ചെയ്ത ‘ലോക ചാപ്റ്റർ 1: ചന്ദ്ര’ എന്ന ചിത്രം ചരിത്രം സൃഷ്ടിക്കുന്നു.
വെറും നാല് ദിവസം കൊണ്ട് ലോകമെമ്പാടും ഏറ്റവും കൂടുതൽ വരുമാനം നേടിയ മലയാള സിനിമകളുടെ പട്ടികയിൽ മൂന്നാമതായി ഈ ചിത്രം.
എമ്പുരാൻ, തുടരും എന്നീ ചിത്രങ്ങളാണ് ആദ്യ രണ്ട് സ്ഥാനങ്ങളിൽ. മോഹൻലാലിൻ്റെ 2013-ലെ ബ്ലോക്ക്ബസ്റ്റർ ചിത്രമായ ദൃശ്യത്തിൻ്റെ 62 കോടി റെക്കോർഡാണ് ചിത്രം മറികടന്നത്. ഈ ചിത്രം 200 കോടി കടക്കാൻ അധികം വൈകില്ല. അടുത്ത ദിവസം തന്നെ ചിത്രം നൂറ് കോടി ക്ലബ്ബിലെത്തുമെന്നും വിദഗ്ധർ പറയുന്നു.
ചിത്രത്തിൻ്റെ വിദേശ കളക്ഷൻ 35 കോടി കടന്നു. ഇതോടെ, ആദ്യ വാരാന്ത്യത്തിലെ ആഗോള കളക്ഷൻ 65 കോടിക്കടുത്തായി. എമ്പുരാൻ്റെ എക്കാലത്തെയും റെക്കോർഡായ 267 കോടി വരെ ഒരുപക്ഷേ മറികടക്കാൻ കഴിയും.
ഓണം ആഴ്ച തുടങ്ങുന്നതിന് മുമ്പേ തന്നെ 65 കോടി നേടിയ ചിത്രത്തിന് ഈ വരുന്ന ഒരാഴ്ച വലിയ വരുമാനം ഉണ്ടാകും. ഞായാറാഴ്ച തിരക്ക് കാരണം രാവിലെ ആറ് മണിക്കാണ് ചിത്രത്തിൻ്റെ പ്രദർശനം ആരംഭിച്ചത്. മൂന്നുറിലധികം ലേറ്റ് നെറ്റ് ഷോകൾ കേരളത്തിൽ നടന്നു.
സാധാരണ നിലയിൽ തിങ്കളാഴ്ച ദിവസങ്ങളിൽ ഹിറ്റ് ചിത്രങ്ങൾക്കുപോലും ബുക്കിങ് കുറയുമെങ്കിലും ആദ്യ തിങ്കളാഴ്ചയിൽ ടിക്കറ്റ് കിട്ടാനില്ല. കൂടുതൽ പ്രദർശനകേന്ദ്രങ്ങളിൽ ലോക പ്രദർശിപ്പിക്കുന്നുണ്ട്. ആദ്യ ദിനം 250 കേരളത്തിൽ 250 സ്ക്രീനുകളില് പ്രദർശനം ആരംഭിച്ച ചിത്രം രണ്ടാം ദിവസം തന്നെ 325 അധികം സ്ക്രീനുകളിലേക്ക് വ്യാപിച്ചിരുന്നു.
50 കോടി ക്ലബ്ബിൽ ഇടം നേടുന്ന ആദ്യ മലയാളി നായിക എന്ന നാഴികകല്ല് കല്യാണി പ്രിയദർശൻ ഞായാറാഴ്ചയോടെ പിന്നിട്ടു. ദുൽഖർ സൽമാൻ നിർമ്മിച്ച ലോക ചാപ്റ്റർ 1, സയൻസ് ഫിക്ഷനും ഹൊററും കൂടികലർന്ന ഒരു സൂപ്പർഹീറോ ചിത്രമാണ്.
വേഫേറെർ സിനിമാറ്റിക് യൂണിവേഴ്സിലെ ആദ്യ ചിത്രമായാണ് ഒരുങ്ങുന്നത്. ചിത്രത്തിൽ നസ്ലെൻ, സാൻഡി എന്നിവർക്കൊപ്പം അരുൺ കുര്യൻ, ചന്ദു സലിംകുമാർ, നിഷാന്ത് സാഗർ, രഘുനാഥ് പലേരി, വിജയരാഘവൻ, നിത്യശ്രീ, ശരത് സഭ എന്നിവർ സഹതാരങ്ങളായി എത്തുന്നു.
