കൊച്ചി:മാലയില് പുലിപ്പല്ല് കണ്ടെത്തയ സംഭവത്തിൽ റാപ്പര് വേടന്റെ അറസ്റ്റ് വനംവകുപ്പ് രേഖപ്പെടുത്തി.
മൃഗവേട്ടയടക്കമുള്ള വകുപ്പുകള് ചുമത്തിയാണ് ഹിരണ് ദാസ് മുരളി എന്ന വേടനെതിരെ കേസ് എടുത്തിട്ടുള്ളത്. 2024ലാണ് പുലിപ്പല്ല് തനിക്ക് ചെന്നൈയില് വെച്ച് ലഭിച്ചതെന്ന് വേടന് പറഞ്ഞു.
പുലിപ്പല്ല് നല്കിയത് രഞ്ജിത്ത് എന്നയാളാണെന്നും വേടന് മൊഴി നല്കി. ഇയാളെ കേന്ദ്രീകരിച്ചുള്ള അന്വേഷണവും നടക്കും. ഇയാള്ക്ക് ഇത് എവിടെ നിന്ന് കിട്ടി എന്നതടക്കം അന്വേഷിക്കുമെന്നാണ് വിവരം. പ്രാഥമിക ചോദ്യം ചെയ്യലിലാണ് പുലിപ്പല്ല് എവിടെ നിന്ന് ലഭിച്ചുവെന്ന ചോദ്യത്തിന് വേടന് മറുപടി നല്കിയത്.
വേടന്റെ മാനേജര്ക്ക് കഞ്ചാവ് കൈമാറിയത് സിനിമാനടന്റെ സഹായി എന്നാണ് വിവരം. വേടന്റെ സംഗീതപരിപാടികള് നിരീക്ഷണത്തില് ആയിരുന്നില്ലെന്ന് കൊച്ചി സിറ്റി പൊലീസ് കമ്മിഷണര് പുട്ട വിമലാദിത്യ പ്രതികരിച്ചു.കേസുമായി ബന്ധപ്പെട്ട് പൊലീസും എക്സൈസും സംയുക്തമായി തന്നെ സിനിമ മേഖലയിലെ ഇടപാടുകള് പരിശോധിച്ചു വരുകയാണ്.
തായ്ലൻഡിൽ നിന്ന് കൊണ്ടുവന്ന പുലിപ്പല്ലാണിതെന്ന് വേടൻ ചോദ്യം ചെയ്യലിൽ വ്യക്തമാക്കിയതാണ്. കുറ്റം തെളിഞ്ഞാൽ മൂന്ന് മുതൽ 7 വർഷം വരെ തടവും 10,000 രൂപ പിഴയും ശിക്ഷ ലഭിക്കുന്നതാണ് കുറ്റം.
പുലിപ്പല്ല് കൈവശം വയ്ക്കുന്നത് ജാമ്യമില്ലാ കുറ്റമാണ്.ഇത് വിദേശത്ത് നിന്നെത്തിച്ചാലും കുറ്റം നിലനിൽക്കും.
പുലിപ്പല്ല് കേസില് നിയമനടപടികളുമായി മുന്നോട്ടുപോകുമെന്ന് വനംമന്ത്രി എ കെ ശശീന്ദ്രന് അറിയിച്ചു. പുലിപ്പല്ല് ആരാധകന് നല്കിയതാണോ എന്ന് കോടതിയില് തെളിയിക്കണമെന്ന് ഇതുമായി ബന്ധപ്പെട്ട ചോദ്യത്തിന് ശശീന്ദ്രന് മാധ്യമങ്ങളോട് പറഞ്ഞു.
വനം വകുപ്പിന്റെ വിജിലന്സ് സ്ക്വാഡ് നടത്തിയ പരിശോധനയിലാണ് മാലയിലേത് യഥാര്ഥ പുലിപ്പല്ലാണെന്ന നിഗമനത്തില് എത്തിച്ചേര്ന്നത്. പുലിപ്പല്ല് കൈമാറിയത് രഞ്ജിത്ത് എന്നയാളാണെന്നും ചെന്നൈയില്വച്ചാണ് കൈമാറിയതെന്നുമാണ് വേടന്റെ മൊഴി. ഇയാള് മലേഷ്യയില് സ്ഥിരതാമസക്കാരനാണെന്നും മൊഴിയിലുണ്ട്.
പുലിപ്പല്ല് കഴിഞ്ഞ വര്ഷമാണ് കൈമാറിയതെന്നും മൊഴിയില് പറയുന്നുണ്ട്. രഞ്ജിത്ത് എന്നയാളെ കേന്ദ്രീകരിച്ചുള്ള അന്വേഷണം ആരംഭിച്ചിട്ടുണ്ട്. ഇയാള്ക്ക് ഇത് എവിടെ നിന്ന് കിട്ടി എന്നതടക്കം അന്വേഷിക്കുമെന്നാണ് വിവരം.
