കൊച്ചി: അർബുദ രോഗത്തിൽ നിന്ന് നടൻ മമ്മുട്ടിക്ക് മുക്തി.അദ്ദേഹം സിനിമയിൽ വീണ്ടും സജീവമാകുമെന്ന് നിര്മാതാവ് ആന്റോ ജോസഫ് ഫേസ് ബുക്കിൽ കുറിപ്പിട്ടു. നിമിഷങ്ങൾക്കകം ആയിരക്കണക്കിന് ആരാധകർ ആ പോസ്ററിനെ വരവേററു.
ലോകമെമ്പാടുമുള്ള ഒരുപാട് പേരുടെ പ്രാർഥനയ്ക്ക് നന്ദിയെന്നാണ് ആന്റോ എഴുതിയത്.ജൂഡ് ആന്തണി ജോസഫ്, മാലാ പാർവതി അടക്കമുള്ള പ്രമുഖരും സന്തോഷം പ്രകടിപ്പിച്ചവരിൽ ഉൾപ്പെടുന്നു.
മമ്മൂട്ടി തിരികെയെത്തുന്നുവെന്ന സന്തോഷവാർത്ത നടി മാലാ പാർവതിയും നിർമാതാവ് എസ്. ജോർജ് അടക്കമുള്ളവരും പങ്കുവെച്ചിട്ടുണ്ട്.കൂടുതൽ ഒരു നല്ല വർത്തമാനം ഇല്ല. മമ്മൂക്ക പൂർണ ആരോഗ്യം വീണ്ടെടുത്തിരിക്കുന്നു. ചികിത്സിച്ച ഡോക്ടർമാർക്കും, ശ്രുശൂഷിച്ച എല്ലാവവർക്കും, ആശുപത്രിയോടും കടപ്പാട്’, മാലാ പാർവതി ഫെയ്സ്ബുക്കിൽ കുറിച്ചു.
നവാഗതനായ ജിതിന് കെ. ജോസ് സംവിധാനം നിര്വഹിക്കുന്ന ‘കളങ്കാവല്’ ആണ് തീയേറ്ററിലെത്തുന്ന അടുത്ത മമ്മൂട്ടി ചിത്രം. വിനായകനും ചിത്രത്തിൽ കേന്ദ്രകഥാപാത്രത്തെ അവതരിപ്പിക്കുന്നുണ്ട്. മമ്മൂട്ടി കമ്പനിയുടെ ബാനറില് നിര്മിക്കുന്ന ചിത്രമാണിത്.
