വാഷിംഗ്ടൺ : കടുത്ത രാഷ്ട്രീയ പോരാട്ടങ്ങൾക്കിടയിൽ, അമേരിക്കയിലെ സർക്കാർ ‘അടച്ചുപൂട്ടലിൻ്റെ’ വക്കിലെത്തി. പ്രസിഡണ്ട് ഡൊണാൾഡ് ട്രംപിൻ്റെ തലതിരിഞ്ഞ് നയങ്ങളാണ് ഇതിനു കാരണമെന്ന് പ്രതിപക്ഷം അരോപിക്കുന്നു.
ഭരണകൂടത്തിന്റെ വിപുലമായ വെട്ടിച്ചുരുക്കൽ പദ്ധതിയുടെ ഭാഗമായി, ചൊവ്വാഴ്ച ഒരു ലക്ഷത്തിലധികം സർക്കാർ ജീവനക്കാർ രാജി വെക്കാൻ ഒരുങ്ങുന്നു എന്ന വാർത്ത സ്ഥിതിഗതികൾ കൂടുതൽ രൂക്ഷമാക്കി.ചരിത്രത്തിലെ ഏറ്റവും വലിയ കൂട്ട രാജിക്ക് രാജ്യം സാക്ഷ്യം വഹിക്കുമെന്നാണ് റിപ്പോർട്ടുകൾ.
ട്രംപിൻ്റെ കടുത്ത നിലപാടുകളും പ്രതിപക്ഷത്തിന്റെ ശക്തമായ എതിർപ്പുമാണ് രാജ്യത്തെ ഈ ഗുരുതരമായ സാമ്പത്തിക പ്രതിസന്ധിയിലേക്ക് തള്ളിവിട്ടത്. പ്രധാനമായും, മെക്സിക്കൻ അതിർത്തിയിൽ മതിൽ പണിയുന്നതിന് ഫണ്ട് അനുവദിക്കുന്നതുമായി ബന്ധപ്പെട്ടാണ് തർക്കം രൂക്ഷമായത്.
പ്രതിഷേധിക്കുന്ന സർക്കാർ ജീവനക്കാർ
മതിൽ നിർമ്മാണത്തിനായി 5 ബില്യൺ ഡോളർ വേണമെന്നായിരുന്നു ട്രംപിൻ്റെ ആവശ്യം. എന്നാൽ, ഡെമോക്രാറ്റുകൾ ഉൾപ്പെടുന്ന പ്രതിപക്ഷം ഇതിനെ ശക്തമായി എതിർത്തു. മതിൽ നിർമ്മാണം രാജ്യത്തിന് അനാവശ്യ ചെലവാണെന്നും, കുടിയേറ്റ പ്രശ്നങ്ങൾക്ക് ഇതൊരു പരിഹാരമല്ലെന്നും അവർ വാദിച്ചു.
ഫണ്ട് അനുവദിക്കുന്ന കാര്യത്തിൽ ചൊവ്വാഴ്ചയാണ് അന്തിമ തീരുമാനമെടുക്കേണ്ടത്. ഒരു ധാരണയിലെത്താൻ കഴിഞ്ഞില്ലെങ്കിൽ സർക്കാർ അടച്ചുപൂട്ടും. ഈ സാഹചര്യത്തിൽ, അടച്ചുപൂട്ടൽ സംഭവിച്ചാൽ സർക്കാർ ജീവനക്കാരെ പിരിച്ചുവിടാനുള്ള പദ്ധതികൾ തയ്യാറാക്കാൻ വൈറ്റ് ഹൗസ് നിർദ്ദേശം നൽകിയിട്ടുണ്ട്.
ഈ രാഷ്ട്രീയ പ്രതിസന്ധികൾക്കിടയിലാണ്, ട്രംപ് ഭരണകൂടത്തിന്റെ തൊഴിലാളികളെ വെട്ടിക്കുറയ്ക്കുന്നതിനുള്ള ‘മാറ്റിവച്ച രാജി പദ്ധതി’യുടെ ഭാഗമായി ഒരു ലക്ഷത്തിലധികം ജീവനക്കാർ ഔദ്യോഗികമായി രാജി വെക്കാൻ ഒരുങ്ങുന്നത്. മാസങ്ങളായി നിലനിൽക്കുന്ന “ഭയവും ഭീഷണിയും” കാരണം മറ്റു വഴികളില്ലാതെയാണ് പലരും രാജിക്ക് നിർബന്ധിതരാകുന്നത് എന്ന് ജീവനക്കാർ പറയുന്നു. രാജ്യത്തെ ലക്ഷക്കണക്കിന് സാധാരണ പൗരന്മാർക്ക് ആശ്രയമായ പല സർക്കാർ പദ്ധതികളെയും ഇത് പ്രതികൂലമായി ബാധിക്കും.
സർക്കാർ അടച്ചുപൂട്ടുന്നതോടെ, അവശ്യ സേവനങ്ങൾ ഒഴികെയുള്ള മിക്കവാറും എല്ലാ സർക്കാർ ഓഫീസുകളും അടച്ചിടും. ലക്ഷക്കണക്കിന് സർക്കാർ ജീവനക്കാർക്ക് ശമ്പളം ലഭിക്കാതെ വരും, അത് അവരുടെ കുടുംബങ്ങളെ ദുരിതത്തിലാക്കും. എന്നാൽ, ഇപ്പോഴത്തെ ഈ കൂട്ട രാജി, സർക്കാർ അടച്ചുപൂട്ടലിൻ്റെ ഫലമായുള്ള താൽക്കാലിക പ്രശ്നങ്ങളെക്കാൾ വലുതാണ്. ഇത്, ദീർഘകാലാടിസ്ഥാനത്തിൽ സർക്കാർ സർവീസുകളുടെ പ്രവർത്തനക്ഷമതയെയും കാര്യക്ഷമതയെയും ബാധിക്കും.
ട്രംപിൻ്റെ ജീവനക്കാരെ വെട്ടിച്ചുരുക്കൽ നയങ്ങൾക്കെതിരെ തൊഴിലാളി യൂണിയനുകൾ നിയമനടപടികൾ സ്വീകരിച്ചിട്ടുണ്ട്. അർപ്പണബോധമുള്ള ഉദ്യോഗസ്ഥരെ പിരിച്ചുവിടുന്നത് അമേരിക്കൻ ജനതയുടെ ആശ്രയമായ സർക്കാർ സ്ഥാപനങ്ങളുടെ പ്രവർത്തനത്തിൽ താളപ്പിഴകൾ ഉണ്ടാക്കുമെന്ന് യൂണിയനുകൾ വാദിക്കുന്നു.
രാഷ്ട്രീയപരമായ ഈ വാഗ്വാദം രാജ്യത്തിൻ്റെ ഭരണരംഗത്ത് മാത്രമല്ല, ലക്ഷക്കണക്കിന് സാധാരണക്കാരുടെ ജീവിതത്തെയും സാമ്പത്തിക ഭാവിയെയും പ്രതിസന്ധിയിലാക്കിയിരിക്കുകയാണ്. ട്രംപും പ്രതിപക്ഷവും തമ്മിലുള്ള ഈ പോരാട്ടത്തിൽ ആര് വഴങ്ങുമെന്നോ, എപ്പോൾ ഒരു ഒത്തുതീർപ്പിലെത്തുമെന്നോ പറയാൻ കഴിയില്ല. എന്നാൽ, എത്രയും പെട്ടെന്ന് ഒരു പരിഹാരം കണ്ടെത്തേണ്ടത് രാജ്യത്തിൻ്റെ നിലനിൽപ്പിന് അത്യന്താപേക്ഷിതമാണെന്ന് രാഷ്ടീയ നിരീക്ഷകർ കരുതുന്നു.
