കൊല്ലം: ശബരിമല ധർമ ശാസ്താ ക്ഷേത്രത്തിലെ സ്വർണക്കൊള്ള ഇനി കേന്ദ്ര ഏജൻസിയായ എൻഫോഴ്സ്മെൻ്റ് ഡയറക്ടറേററ് ( ഇഡി) കേസെടുത്ത് അന്വേഷിക്കും.
കേസുകളുടെ എഫ്ഐആറുകൾ, റിമാൻഡ് റിപ്പോർട്ടുകൾ ഉൾപ്പെടെയുള്ളവയുടെ പകർപ്പാണ് ഇ.ഡി ആവശ്യപ്പെട്ടിരുന്നു. ഇവ നൽകാൻ കൊല്ലം വിജിലൻസ് കോടതി ജഡ്ജി സി.മോഹിത് ഉത്തരവിട്ടു.
സ്വർണക്കൊള്ളക്കേസിൽ അറസ്റ്റിലായ മുൻ തിരുവാഭരണം കമ്മിഷണർ കെ.എസ്.ബൈജുവിൻ്റെ റിമാൻഡ് ജനുവരി ഒന്നു വരെ കോടതി നീട്ടി. .ബൈജുവിൻ്റെയും കേസിലെ മറ്റു പ്രതികളായ ദേവസ്വം ബോർഡ് മുൻ പ്രസിഡന്റ് എൻ.വാസു, മുൻ അഡ്മിനിസ്ട്രേറ്റീവ് ഓഫിസർ മുരാരി ബാബു എന്നിവരുടെയും ജാമ്യ ഹർജി ഹൈക്കോടതി തള്ളി
