കൊച്ചി: ഡോക്ടറായ യുവതിയാണ് പരാതിയിൽ, ബലാത്സംഗക്കേസില് പ്രതിയായ ഹിരണ്ദാസ് മുരളിയെന്ന റാപ്പര് ഗായകൻ വേടനായി വ്യാപകതിരച്ചിലിലേക്ക് കടന്നിരിക്കുകയാണ് പോലീസ്. പരമാവധി തെളിവുകള് ശേഖരിച്ച ശേഷം അറസ്റ്റ് എന്നായിരുന്നു പോലീസ് തീരുമാനിച്ചിരുന്നത്. അറസ്ററ് ചെയ്യാൻ പോലീസിന് തടസ്സമില്ല.
തൃശ്ശൂരിലെ വീട്ടില് പോലീസ് സംഘം എത്തിയെങ്കിലും വേടന് ഇവിടെയുണ്ടായിരുന്നില്ല.കേസില് മുന്കൂര് ജാമ്യം തേടി വേടന് കഴിഞ്ഞദിവസം ഹൈക്കോടതിയെ സമീപിച്ചിരുന്നു.ജസ്റ്റിസ് ബെച്ചു കുര്യന് തോമസ് സര്ക്കാരിന്റെ വിശദീകരണംതേടി ഹര്ജി ഓഗസ്റ്റ് 18-ന് പരിഗണിക്കാന് മാറ്റി.
ഉഭയസമ്മതപ്രകാരമുള്ള ബന്ധമായിരുന്നെന്നും ഇപ്പോള് തെറ്റായ ആരോപണം ഉന്നയിക്കുകയാണെന്നും ഹര്ജിയില് പറയുന്നു.
കോഴിക്കോട്ടേക്കും പിന്നീട് എറണാകുളത്തേക്കും സ്ഥലംമാറ്റമുണ്ടായപ്പോള് അവിടത്തെ താമസസ്ഥലത്തുവെച്ച് 2021 വരെയുള്ള കാലയളവില് പീഡിപ്പിച്ചെന്നാണ് പരാതി. വിവാഹവാഗ്ദാനം നല്കിയായിരുന്നു പീഡനമെന്നും സാമ്പത്തിക ഇടപാടുകള് ഉണ്ടായിരുന്നതായും പരാതിയിലുണ്ട്.
2021 ഓഗസ്റ്റ് മുതല് 2023 മാര്ച്ച് വരെ കോഴിക്കോട്ടും കൊച്ചിയിലുമടക്കം അഞ്ചിടങ്ങളിലെത്തിച്ച് വിവാഹ വാഗ്ദാനം നല്കി പീഡിപ്പിച്ചെന്നും പിന്നീട് വിവാഹം കഴിക്കാതെ ഒഴിവാക്കിയെന്നുമാണ് പരാതി. പരാതിയില് പറയുന്ന സ്ഥലങ്ങളിലും പരിശോധന നടത്തും. യുവ ഡോക്ടറുടെ രഹസ്യമൊഴി കഴിഞ്ഞ ദിവസം മജിസ്ട്രേട്ട് രേഖപ്പെടുത്തിയിരുന്നു.
One Response
വേടൻ ഭയങ്കരനാണല്ലോ? എങ്കിലും ഒരേ പേപ്പട്ടിയെ 5 പ്രാവശ്യം കൊല്ലുകയോ?