ടെഹ്റാന്: ഇറാൻ്റെ എണ്ണപ്പാടങ്ങളേയും പ്രതിരോധ മന്ത്രാലയ ആസ്ഥാനത്തെയും ലക്ഷ്യമിട്ട് ഇസ്രയേല് മിസൈലുകൾ വർഷിച്ചു. വെള്ളി,ശനി ദിവസങ്ങളിൽ ഇറാന് നടത്തിയ ശക്തമായ ആക്രമണത്തിനു തിരിച്ചടിയായിരുന്നു ഇത്.
ഇറാൻ്റെ ആണവ പദ്ധതിയെ തകര്ക്കാന് ലക്ഷ്യമിട്ട് രണ്ട് ദിവസം മുമ്പ് ഇസ്രായേല് നടത്തിയ അപ്രതീക്ഷിത ആക്രമണത്തിന് ശേഷമുള്ള ഏറ്റവും പുതിയ ആക്രമണമായിരുന്നു ഞായറാഴ്ചത്തേത്.
ബുഷഹ്ര് പ്രവിശ്യയിലെ പാര്സ് റിഫൈനറിയും ഇസ്രയേല് ആക്രമിച്ചു.ലോകത്തെ ഏറ്റവും വലിയ എണ്ണപ്പാടങ്ങളില് ഒന്നാണിത്.ടെഹ്റാനിലെ നൊബാനിയാദില് സ്ഥിതിചെയ്യുന്ന പ്രതിരോധ മന്ത്രാലയ കെട്ടിടത്തിന് നേരെ ആക്രമണമുണ്ടായി.’ഓര്ഗനൈസേഷന് ഓഫ് ഡിഫന്സീവ് ഇന്നോവേഷന് ആന്ഡ് റിസര്ച്ച്’ ആസ്ഥാനം ആക്രമിച്ചതായും ഇസ്രയേല് അവകാശപ്പെട്ടു.
അതിനിടെ, തങ്ങളുടെ പ്രധാനപ്പെട്ട രണ്ട് എണ്ണപ്പാടങ്ങള് ഇസ്രയേല് ആക്രമിച്ചതായി ഇറാന് സ്ഥിരീകരിച്ചു.തെക്കന് ബുഷേഹര് പ്രവിശ്യയിലെ സൗത്ത് പാര്സ്, ഫജര് ജാം എണ്ണപ്പാടങ്ങൾ അണ് അക്രമിക്കപ്പെട്ടത് .വടക്കുപടിഞ്ഞാറന് ടെഹ്റാനിലെ എണ്ണ സംഭരണശാലകളും ഇസ്രയേല് തകര്ത്തു.
