തിരുവനന്തപുരം: മേയർ ആര്യ രാജേന്ദ്രനും ഭർത്താവ് സച്ചിൻ ദേവ് എം എൽ എയ്ക്കും എതിരെ കേസെടുക്കാൻ തിരുവനന്തപുരം ഫസ്റ്റ് ക്ലാസ് ജുഡീഷ്യല് മജിസ്ട്രേറ്റ് കോടതി ഉത്തരവിട്ടു.
കെ.എസ്.ആര്.ടി.സി. ഡ്രൈവര് യദുവിന്റെ പരാതിയില് കേസെടുക്കാന് പോലീസിന് കോടതി
നിര്ദേശം നല്കി.ഔദ്യോഗിക കൃത്യനിര്വഹണം തടസപ്പെടുത്തല്, അന്യായമായി തടങ്കലില്വയ്ക്കല്, അസഭ്യം പറയല് അടക്കമുള്ള ആരോപണങ്ങളാണ് യദു ഹര്ജിയില് ഉന്നയിച്ചിരുന്നത്.
ഹര്ജിയില് ആരോപിക്കുന്ന കുറ്റങ്ങള് ചുമത്തി കേസെടുക്കാനാണ് കോടതിയുടെ ഉത്തരവ്. മേയറുടെ സഹോദരന് അരവിന്ദ്, ഭാര്യ ആര്യ, കണ്ടാലറിയാവുന്ന ആള് എന്നിവര്ക്കെതിരേ കേസെടുക്കാനാണ് നിര്ദേശം.
കേസില് മേയറുടെ പരാതിയില് യദുവിനെതിരെ കേസെടുത്തിരുന്നു. മേയര്ക്കെതിരെ യദു പോലീസില് പരാതി നല്കിയിരുന്നുവെങ്കിലും അത് പരിഗണിച്ചിരുന്നില്ല.
